Мэргэжлийн снукер биллиардын ДАШТ-ий онцлох тоглолтуудын бичлэгийг цувралаар толилуулж байна.
Ронни О.Сулливан 8:8 Дин Жунхуй
Домогт Ронни О.Сулливан одоо тоглож буй тоглогчдоос хамгийн олон удаа (28 дахь удаагаа) ДАШТ-д оролцохын сацуу хамгийн олон удаа буюу таван удаа дэлхийн аварга болсон тамирчин юм. Тэрээр зургаа дахь удаагаа дэлхийн аварга болох зорилт тавьж байгаа эсэх нь эргэлзээтэй. Учир нь тэрээр тун хайнга цохилтуудыг гүйцэтгэсээр. Зарим үед огт бодлогогүйгээр шинэ цохилт туршаад байна уу даа гэлтэй.
Харин Дин Жунхуйгийн хувьд дэлхийн аварга болсон анхны ази тамирчин болохоор зорьж буй нь мэдээж. Тэд 2005 оны Мастерс тэмцээнд анх удаа учраа таарч тоглосноосоо хойш 21 удаа учраа тааран тоглоход Ронни 13 удаад нь хожиж гурван удаа тэнцээд байгаа юм. Хамгийн сүүлд 2019 оны UK Championship тэмцээнд Дин Жунхуй 6:4 харьцаагаар хожсон байгаа. Мөн түүнчлэн 2017 оны ДАШТ-ий шөвгийн 8-д таарахад Дин Жунхуй 13:10 харьцаагаар Ронниг хожиж байсан түүхтэй.
Эхний хоёр сетийн дараах байдлаар 8:8 болж тэнцсэн хоёр тамирчны тоглолт эн тэнцүүхэн өрнөж байна. Тэд өнөө шөнө Улаанбаатарын цагаар 02:00 цагт шийдвэрлэх тоглолтоо хийх болно.
жинхуй 1 удаа түрүүлчээсэй гэж найдаж байна