Ой хээрийн түймрээс урьдчилан сэргийлэх ажлыг зохион байгуулж сүүлийн гурван хоногт гурван гал түймрийг унтраалаа. Зургаадугаар сарын 10-н хүртэл нийслэлийн 59 аманд хөдөлгөөнт эргүүл хийж ажиллах журам гарснаас хойш ой хээрийн түймэр багасаад байна. Түүнчлэн уулын амаар амарч, зугаалахыг хориглосон байгаа.
Нийслэлийн зургаан товчоогоор 14 мянга гаруй тээврийн хэрэгсэл нэвтэрч гарсан 44 мянган зорчигчдод хяналт явуулахад сэжигтэй тохиолдол илрээгүй ажээ.
Нийслэлийн гэр хорооллын 200 мянган айл өрхөд угаар мэдрэгчийг тараах ажлыг шат дараатайгаар зохион байгуулж байгаа. Тэгвэл сүүлийн 65 мянган ширхэг угаар мэдрэгч өнгөрсөн долоо хоногийн пүрэв гарагт ирсэн. Ингээд ариутгал халдваргүйжүүлэлт хийгээд энэ сарын 17-ноос Сонгинохайрхан, Баянзүрх дүүргийн 14 хорооны айл өрхүүдэд тарааж эхэлнэ. Иргэдийг нэг дор бөөгнөрүүлэхгүй байдлаар тараах үүргийг хороодод өгсөн. Ингээд 200 мянган ширхэг угаар мэдрэгчийг гэр хорооллын айл өрхүүдэд тарааж дуусаж байгаа юм.
Хороодын хэсгийн ахлагч нар олон нийтийн цагдаагийн үүрэг гүйцэтгэхээр болсон. Тэгэхээр зөрчил гаргасан иргэдийг 10 мянган төгрөгөөр торгох хууль эрх зүй бүрдсэн гэдгийг тодотгон хэлэв.
