Реппер Roockie , 168 , Pacrap, Don dior , Wolfizm, Loce нар нэгдэн “Надад хамаагүй” хэмээх шинэ уран бүтээлээ энэ сарын 9-нд цацсанаас хойш 148.718 үзэлттэй байгаа юм.
Энэхүү дуу нь “Надад хамаагүй” хэмээх залуусыг “сэрээх” аяны эхлэл болж буй бөгөөд клипийн нэг үзэлт бүрийг нэг төгрөгөөр үнэлсэн юм. Ингээд долоо хоногийн дараа энэхүү дууг хэчнээн хүн үзсэнтэй дүйцэхүйц мөнгийг уран бүтээлчид өөрсдөөсөө гарган Онцгой байдлын ерөнхий газарт хандивлахаар болсон юм.
Тэгвэл уран бүтээлч маань өчигдөр үзэгч, сонсогч нараас ирсэн санал бодлын дагуу нэг үзэлтийг 3 төгрөг болгохоор албан ёсоор мэдэгджээ.
Залуус урлагаар дамжуулж эерэг байхыг уриалж, өөрсдийн эв нэгдлээр нийгмийг түүчээлэхээр уран бүтээл туурвиж эхэлсэн байна. Тэд бүх хүмүүсийг энэ аянд нэгдэхийг хүсэж буйгаа Надад хамаагүй хуудсаараа дамжуулан мэдээлжээ.
