15 дахь удаагийн Ушугийн дэлхийн аварга шалгаруулах тэмцээнийг шууд дамжуулан үзүүлж байна.
Олон улсын Ушугийн холбооноос (IWUF) хоёр жил тутамд зохион байгуулдаг Ушугийн дэлхийн аварга шалгаруулах тэмцээн нь анх 1991 онд БНХАУ-ын Бээжин хотноо зохион байгуулагдаж эхэлсэн түүхтэй. Дэлхийн аварга шалгаруулах тэмцээн нь 2001 оноос анх удаа допингийн шинжилгээ авч эхэлсэн ба 2007 онд зохион байгуулагдсан ес дэх удаагийн дэлхийн аварга шалгаруулах тэмцээнд 89 орны 1000 гаруй тамирчин оролцож байжээ.
Хятадаас гаралтай тулааны урлаг нь өнөөдөр спортын төрөл болтлоо хөгжиж байгаа бөгөөд зөвхөн БНХАУ-д гэхэд энэхүү спортоор 70 гаруй сая хүн хичээллэж байгаа гэсэн тоо бий.
Энэ удаагийн Ушугийн дэлхийн аварга шалгаруулах тэмцээнд 36 орны тамирчид Санда тулаан болон Таолу төрлөөр өрсөлдөж байна.
