УИХ-ын гишүүн Л.Болдыг Б.Хурцаас уучлал гуйхыг Улсын дээд шүүхээс даалгасан. Тэгвэл Л.Болд гишүүн уучлал гуйхгүй гэж УИХ-ын гишүүн Ж.Батзандан мэдэгдсэн юм.
Тэрээр,
Шударга иргэдийн нэгдсэн нам байгуулагдсаныг та бүхэн мэдэж байгаа. Энэ намын Төв зөвлөлийн дарга Л.Болдыг Б.Хурцаас уучлал гуйлаа гэдэг худал мэдээлэл хэвлэлээр гарсан. Л.Болд гишүүн маань яг одоо Швейцарьт ажлаар явж байгаа. Би утсаар холбогдлоо. Б.Хурцаас уучлал гуйсан асуудал байхгүй. Б.Хурцаас уучлал гуйх шаардлага байхгүй гэж Л.Болд гишүүн маань хэлж байна.
Өөрөөр хэлбэл, Л.Болд гишүүн Б.Хурцыг Т.Чимгээ, Г.Содномдаржаа нарыг эрүүдэн шүүсэн гэж хэлснийхээ төлөө Дээд шүүхээс “Б.Хурц эрүдэн шүүгээгүй. Л.Болд гүтгэсэн байна. Тийм учраас Б.Хурцаас уучлал гуйх ёстой” гэдэг шийдвэрийг гаргасан байгаа. Улсын дээд шүүхээс Б.Хурцыг өмөөрч, Л.Болдыг буруутгаж гаргасан шийдвэр нь өөрөө хонгилын шүүгчдийн, МАНАН-ийн шүүгчдийн гаргасан шийдвэр гэж бид харж байна.
Тиймээс энэ шийдвэрийг хүлээн зөвшөөрөх боломжгүй. Цаашаа Л.Болд гишүүн Дээд шүүхийн дараагийн шат руу хандана гэсэн байр суурьтай байгааг дуулгая гэсэн юм.
