3х3 сагсанбөмбөгийн зургаа дахь удаагийн дэлхийн аварга шалгаруулах тэмцээн Нидерланд улсын Амстердам хотноо өчигдөр албан ёсоор эхэлсэн билээ.
-01.jpg)
Энэ сарын 23-ны өдрийг хүртэл зохион байгуулагдах ДАШТ-д эрэгтэй, эмэгтэй тус бүр 20 улсын шигшээ баг оролцож байгаа ба манай улс эрэгтэй, эмэгтэй бүтэн багаар оролцож байгаа юм. Манай www.livetv.mn/sport сайт ДАШТ-ийг шууд дамжуулан үзүүлэхээс гадна Монголын багуудын тоглолтын бичлэгийг цувралаар хүргэдэг уламжлалынхаа дагуу өчигдрийн тоглолтуудын бичлэгийг толилуулж байна.
Өчигдөр манай багууд хэсгийн эхний тоглолтуудаа хийсэн ба дараах үр дүнг үзүүллээ.
- ОХУ 12:14 Монгол /эрэгтэй/
- Иран 19:18 Монгол /эмэгтэй/
- Румын 22:4 Монгол /эмэгтэй/
- Монгол 20:17 Эстони /эрэгтэй/
Эрэгтэйчүүдийн шигшээ баг маань хоёр дараалсан ялалтын дараа В хэсгээ тэргүүлж эхэлсэн бол эмэгтэйчүүд маань хоёр хожигдоод байна.
Манай багууд өнөөдөр өнжөөд маргааш /2019.06.20/ дараах тоглолтуудыг хийх хуваарьтай байна. /Улаанбаатарын цагаар/
| Эрэгтэй
16:20 🇲🇳 - 🇵🇷 Пуэрто-Рико
19:50 🇲🇳 - 🇺🇦 Украин
| Эмэгтэй
16:20 🇲🇳 - 🇵🇷 Пуэрто-Рико
19:50 🇲🇳 - 🇺🇦 Украин
