- Өнөөдрийн/2019.05.01/ трэнд LIVE ЗГХЭГ-ын дарга Л.Оюун-Эрдэнэ байв -
Сүүлийн үед "Засгийн газрын хэрэг эрхлэх газрын дарга Л.Оюун-Эрдэнийг хордуулжээ, Л.Оюун-Эрдэнэ БНСУ руу эмчилгээнд явжээ, Л.Оюун-Эрдэнэ сайд хагалгаанд оржээ" гэх мэдээллүүд цахим хуудаст тарж, олны анхаарлыг ч багагүй татаад байсан билээ. Тэгвэл ЗГХЭГ-ын дарга Л.Оюун-Эрдэнэ БНСУ-аас ирж, өнөөдрөөс ажилдаа оржээ.
Тэрээр хоолны хордлогод орж хэсэгтээ хордлогын эмчилгээ хийлгэж байсан боловч хордлого нь хөлөндөө орсон гэх мэдээллийг сэтгүүчдэд өгөв. Улмаар хөлөнд нь идээ, бээр үүсч БНСУ-д очиж багахан хэмжээний хагалгаанд ч орсон байна. Мөн түүний элгэний 3-4 үндсэн үзүүлэлтэд өөрчлөлт орсныг эмч нар дуулгаж, хэсэг хугацаанд эмчийн хяналтанд байх шаардлагатайг анхааруулсан байна.
Хэдийгээр "хоолны хордлого хөлөндөө орсон" гэдэг нь хэвлэл, мэдээллийнхэнд төдийлөн ойлгомжтой бус байсан ч түүнд эмч ийм л тайлбар өгсөн гэдгийг Л.Оюун-Эрдэнэ сайд онцолсон билээ.
Ямартай ч хэд хоног ажил цалгардуулсандаа уучлал гуйсан ЗГХЭГ-ын дарга Л.Оюун-Эрдэнийн яриа өнөөдөр цахим хуудаст ТРЭНД байлаа.
