Этник рок урсгалаар уран бүтээлээ туурвидаг "The Hu" хамтлаг дэлхийд монголын хөгжмийн шинэ өнгө төрхийг тодорхойлж байна.
Өөрсдийн тоглож буй хөгжмийн урсгал, чиглэлийг Хүннү Рок хэмээн тодорхойлсон тус хамтлаг 2016 онд уран бүтээлээ туурвиж эхэлсэн ба одоогоор албан ёсны хоёр сингл дуугаа олон нийтэд танилцуулаад байна. Анхны сингл болох Yuve Yuve дууг одоогийн байдлаар Youtube хуудаснаас 14 сая удаа үзсэн тоо байгаа бол сүүлд гаргасан Wolf Totem дууг нь 8.4 сая удаа үзсэн байна.
"Хүннү рок" довтолгоо үүгээр зогссонгүй тэдний “Wolf totem” дуу нь АНУ-ын ITUNES-д хамгийн өндөр борлуулалттай дууны жагсаалтыг тэргүүлэхдээ кино нь гарснаар дэлхийн нийтийг дахин байлдан дагуулах болсон Queen хамтлагийн “Bohemian Rhapsody” хит дууны урд бичигдэж байгаа юм.
Мөн түүнчлэн тэдний уг “Wolf totem” дуу Биллбордын шилдэг 100 рок дууны жагсаалтад 22 дугаар байрт бичигдэх болсон байна. Энэ нь монголын хөгжмийн түүхэнд гарч байгаагүй амжилт юм.
Одоо тэдний дэлхий нийтийг байлдан дагуулж буй “Wolf totem” дууг хамтдаа сонсоцгооё.
test