АН-ын Хэрэг Эрхлэх газраас цаг үеийн асуудлаар хэвлэлийн хурал хийж байна. Хурлын үеэр С.Эрдэнэ хууль бус Их хурал зарласан гэв.
АН-ын Хэрэг эрхлэх газрын дарга Б.Ган-Очир:
-АН-ын дарга асан С.Эрдэнэ 2022 оны хоёрдугаар сарын 26-нд АН-ын Их хурал гэж хууль бус хурал зарласан. Энэ үйлдэл нь АН-ын үндсэн дүрмийн дагуу хууль бус. Учир нь АН-ын Их хурлыг зарлах эрх бүхий субьект нь зөвхөн Үндэсний бодлогын хороо бөгөөд дур мэдэн хэн нэгэн зарлах ёсгүй.
АН-ын Үндсэн дүрмийн хорооны гишүүн Ш.Чинзориг:
-Намын Их хурлыг 5.12.2-т зааснаар намын Их хурлыг ҮБХ-ны 50-аас дээш хувийн саналаар эсвэл намын дарга санал оруулснаар 14-өөс доошгүй хоногийн өмнө зарлах ёстой байдаг. Гэтэл С.Эрдэнэ хууль зөрчиж, Их хурал зарласан байна гэв.
