Японы мэргэжлийн сумо бөхийн Кюүшү башёгийн 13 дахь өдрийн барилдааныг шууд дамжуулан үзүүлж байна.
.jpg)
12 өдрийн дараах байдлаар Ёкозүна Тэрүнофүжи Г.Ган-Эрдэнэ аварга ганцаараа нэг ч унаагүйгээр Кюүшү башёгийн дээд зиндааг тэргүүлж байгаа бол түүний ард 11 даваа, нэг унаатайгаар Озеки Такакейшо, Маэгаширагийн 15-аас барилдаж буй Аби нар бичигдэж байна. Кюүшү башёгийн 12 дахь өдрийн барилдааны тоймыг ЭНД дарж үзнэ үү.
Өнөөдөр дээд зиндаанд барилдах монгол бөхчүүдийн оноолтын мэдээлэл:
Маэгашира 7 Чиёошома Г.Мөнхсайхан (6-6) - Маэгашира 16 Саданоуми (5-7)
Маэгашира 6 Тамаваши Б.Мөнх-Оргил (9-3) - Озеки Шодай (8-4)
Маэгашира 5 Хошорюу С.Бямбасүрэн (5-7) - Маэгашира 1 Вакатакакаге (5-7)
Комүсүби Ичиножо А.Ичинноров (5-7) - Маэгашира 7 Ура (9-3)
Комүсүби Кирибаяама Б.Лхагвасүрэн (4-8) - Маэгашира 4 Такарафүжи (4-8)
Ёкозүна Тэрүнофүжи Г.Ган-Эрдэнэ (12-0) - Секиваке Митакеуми (9-3)
Өнөөдрийн онцлох оноолт бол Ёкозүна Тэрүнофүжи Г.Ган-Эрдэнийн араас 11 даваа, нэг унаатайгаар Озеки Такакейшо, Маэгаширагийн 15-аас барилдаж буй Аби нар хоорондоо учраа таарсан байна. Хоёр бөхийн хувьд өмнө нь бие, биенээ тус бүр хоёр даваад байгаа юм.
Харин Ёкозүна Тэрүнофүжи Г.Ган-Эрдэнэ өнөөдөр Секиваке Митакеумитэй 16 дахь удаагаа учраа таарлаа. Өмнө аварга өрсөлдөгчөө 11 удаад нь давж байлаа.
