Өнөө шөнө албан ёсоор эхлэх насанд хүрэгчдийн сонирхогчдын боксын ДАШТ-ий шагналын талаарх мэдээллийг хүргэж байна.
Серб улсын Белград хотноо зохион байгуулагдах насанд хүрэгчдийн сонирхогчдын боксын ДАШТ-ий шагналын сан түүхэнд байгаагүй өндөр болохыг бид өмнө нь мэдээлсэн билээ. Тэгвэл энэ удаад тус тэмцээнд түрүүлсэн тамирчдын хүртэх бүс, медалийг танилцуулж байна.
Жин тус бүрд түрүүлсэн тамирчинд дэлхийн аварга хэмээх тодотголтой бүс өгөхөөс гадна медалийг цул алт, мөнгөөр урласан байна. Олон улсын сонирхогчдын боксын холбооны Ерөнхийлөгч Умар Кремлевийн хэлснээр: "Бид тамирчдаа дорвитой урамшуулах үүднээс энэ удаагийн ДАШТ-ий шилдгүүдэд өндөр хэмжээний мөнгөн шагналаас гадна аваргууд нь бахархалтайгаа зүүх дэлхийн аваргын бүс, медаль нь хүртэл үнэлэмж өндөртэй байхаар зохион байгуулж байна. Энэ нь залуу тамирчдад урам зориг өгөөд зогсохгүй цаашдаа өөрийгөө шаргуу бэлдэж, хичээх шалтгаан болно хэмээн найдаж байна" гэжээ.
Насанд хүрэгчдийн сонирхогчдын боксын эрэгтэйчүүдийн ДАШТ-ийг 10.25-ны өдрөөс 11.6-ыг хүртэл Livetv HD телевиз /Univision 29 суваг/, спорт мэдээ, мэдээллийн Livetv.mn/sport сувгаар албан ёсны эрхтэйгээр, мэргэжлийн тайлбартай (Монголын боксын холбоо) шууд дамжуулан үзүүлнэ.
ДАШТ-д хүч үзэх монголын баг, бүрэлдэхүүний мэдээллийг ЭНД дарж үзнэ үү.
Тэмцээний дэлгэрэнгүй хуваарийг /Улаанбаатарын цагаар/ ЭНД дарж үзнэ үү.
Монголын хүчирхэг ширэн бээлийтнүүдээ уухайлан дэмжээрэй
Тэмцээнийг олигтойхон гаргаж чадахгүй юм бол тэгж сурталчилаад яадаг юм