Өмгөөлөгч Б.Мэргэн "ҮХНӨ-ийн дагаж мөрдөх журмын тухай хуулиар одоогийн Монгол улсын Ерөнхийлөгч Х.Баттулга 2021 оны Ерөнхийлөгчийн сонгуульд нэр дэвших боломжгүй" хэмээн мэдэгдлээ.
Өмгөөлөгч Б.Мэргэн:
-Монгол улсын Үндсэн хуульд зарчим тусгадаг. Хэрэгжилт нь ердийн хуулиар зохицуулагддаг журамтай. Үндсэн хуулийн нэмэлт өөрчлөлт /ҮХНӨ/-өөр Монгол улсын Ерөнхийлөгчөөр нэг удаа сонгогдоно гэж заасан. ҮХНӨ-ийг тал талаас нь ярьж байгаад дагаж мөрдөх журмын хуулиар 2025 оны 5 дугаар сараас хэрэгжүүлэхээр тогтсон. Гэвч хууль яг батлагдахдаа 2021 оны 5 сарын 1-ний морь цагаас эхэлж хэрэгжинэ гээд баталчихсан. Иймд одоогийн Ерөнхийлөгч Х.Баттулга дахин нэр дэвших боломжгүй. 2025 оны 5 сараас хэрэгжинэ гэсэн заалт яагаад алга болсныг би мэдэхгүй.
Энэ маргааныг ҮХЦ хагална.
