www.livetv.mn сайт "Спортын Домгууд" шинэ буланг үзэгч, уншигч та бүхэндээ зориулан тогтмол явуулж байгаа билээ.
Энэхүү буланд цувралаар төрөл бүрийн спортын домог болсон тамирчдын спортын замналдаа үзүүлж байсан хамгийн шилдэг бүхнийг түүвэрлэн видео хэлбэрээр та бүхэнд хүргэхийн сацуу уг тамирчны талаарх мэдээ, мэдээллийг хүргэж байх юм.
Өнөөдөр та бүхэндээ "Дэлхийн хамгийн хурдан хүн" тодотголтой Ямайк улсын тамирчин Усайн Болтын гайхалтай ялалтуудыг түүвэрлэн хүргэж байна.
1.jpeg)
2008 оны Бээжингийн Олимпийн их наадамд гүйлтийн төрлөөр цахиур хагалан гарч ирсэн тэрээр карьерийнхээ хугацаанд дараах амжилтуудыг үзүүлжээ:
- Олимпийн их наадмын 9 алтан медаль. 100м, 200м, 4х100м зайнуудад гурван Олимп дараалан алтан медаль хүртсэн байдаг. Гэвч 2008 оны Бээжингийн Олимпийн их наадмын алтан медалийн хувьд түүний багийн гишүүнээс допинг илэрсэн тул 1 алтан медалийг нь хураан авсан байдаг.
- Тэрээр 100 метрт 9.58, 200 метрт 19.19 секунд гүйсэн амжилтаар дэлхийн дээд амжилтыг эзэмшдэг, мөн багийнхны хамтаар 4x100 метрийн буухиад 37.10 секундын амжилт үзүүлсэн нь мөн л дэлхийн дээд амжилт юм. Түүнчлэн Болт нь 100 метрт 9.69 , 200 метрт 19.30 секунд гүйсэн амжилтаар олимпийн дээд амжилтууд тогтоосон.
- Болт нь Карл Льюисээс хойш буюу 1984 оноос хойш нэг олимпоос 3 алтан медаль хүртсэн анхны хөнгөн атлетикч.
- Түүхэнд нэг олимпод 3 дэлхийн дээд амжилт тогтоосон анхны хүн
- 100, 200 метрийн гүйлтэд олимп, дэлхийн аварга цолыг зэрэг эзэмшиж байсан (байгаа) анхны тамирчин юм. Түүнийг агуу амжилтууд нь "'Цахилгаан Болт" хэмээх хочтой болгожээ.
- 11 удаагийн Дэлхийн аварга гэх мэтчилэн түүний амжилтуудыг тоочоод барагдахгүй.
Тэрээр 2017 оны ДАШТ-ний 100 метрийн ганцаарчилсан уралдаанд хүрэл медаль хүртсэнийхээ дараа "Энэ удаагийн тэмцээн миний сүүлчийн гүйлт байх болно" хэмээн зарласан юм. Усайн Болтын өмнө гарч алтан медаль хүртсэн Жастин Гэйтлин уралдааны дараа домогт тамирчинд мөргөж, хүндэтгэл үзүүлжээ.
Өдгөө 32 настай тэрбээр Австралийн хөлбөмбөгийн “Central Coast Mariners” клубт тоглож байгаа юм. Хөлбөмбөг бол түүний багын мөрөөдөл байсан ба одоо тэр мөрөөдлөө биелүүлж яваа юм.
Усайн Болтын оролцсон Олимпийн их наадмуудад хэрхэн түрүүлж байсан бичлэгүүдийг түүвэрлэн хүргэж байна.
