Эрүүл мэндийн яамны /2020-08-24/ 11 цагийн ээлжит хэвлэлийн бага хурал эхэллээ.
ХӨСҮТ-ийн Тандалт, судалгааны албаны дарга А.Амбасэлмаа "ХӨСҮТ, Дархан-Уул аймгийн салбар лабораториудад наймдугаар сарын 23-нд нийтдээ 399 хүнд коронавирусийн шинжилгээ хийхэд бүх сорьц “Сөрөг” гарч коронавирус илрээгүй. Үүнд:
- 2020 оны наймдугаар сарын 22-нд Сөүл-Улаанбаатарын онгоцооор ирсэн 268 хүний шинжилгээ
- 2020 оны наймдугаар сарын 9-нд Франкфурт-Улаанбаатарын онгоцоор ирсэн 67 хүний давтан шинжилгээ
- Алтанбулагийн боомтоор орж ирсэн ачаа тээврийн 21 жолоочийн шинжилгээ
- Өмнөговь аймагт тусгаарлагдсан 27 хүний шинжилгээ
- Замын-Үүд суманд тусгаарлагдсан нэг хүний шинжилгээ
- ХӨСҮТ-д тусгаарлагдсан нэг хүний шинжилгээ
- Сувилалд тусгаарлагдсан таван хүний шинжилгээ
- Цэргийн төв эмнэлэгт тусгаарлагдсан есөн хүний шинжилгээнд тус тус коронавирус илрээгүй.
ХӨСҮТ-өөс өнөөдөр нэг хүн эдгэрч, дараагийн шатны сувилал руу шилжлээ.
Монгол улсад зөөвөрлөгдөн орж ирж батлагдсан тохиолдол 298, эдгэрсэн 289 буюу 96,9 хувь нь эдгэрчээ. Эдгэрсэн хүмүүсээс сувиллын ажиглалтад 31 хүн, гэрийн ажиглалтад 40 хүн байгаа бол ажиглалт, тандалтын хугацаа дууссан 218 хүн байна. Одоогоор ХӨСҮТ-д есөн хүн эмчлэгдэж байгаа бөгөөд долоон хүний биеийн байдал хөнгөн, хоёр хүнийх хүндэвтэр байна" гэв.
