Монгол Улсын Ерөнхийлөгч Х.Баттулга УИХ-ын чуулганы өнөөдрийн нэгдсэн хуралдаанаар томилогдсон Ерөнхий сайд У.Хүрэлсүхийг хүлээн авч уулзаад, Монгол Улсын Ерөнхий сайдаар улиран томилогдсонд нь баяр хүргэлээ.
Монгол улсын Ерөнхийлөгч Х.Баттулга:
-Аюулгүйн байдлын зөвлөлийн гурван гишүүн дахин ажиллах нь. Өнгөрсөн гурван жилд гар нийлж нэлээд сайн ажилласан. Эрч хүчээ улам нэмж ажиллаарай. Эдийн засгаа сэргээх, монголчуудыг сайн сайхан амьдруулахын төлөө хамтран ажиллана. Монголоо гэсэн сэтгэлтэй сайдууд тавина гэдэгт итгэж байна гэсэн бол Ерөнхий сайд У.Хүрэлсүх:
-Эхлүүлсэн ажлаа гүйцээнэ. Төрийн тэргүүнтэйгээ гар нийлэн ажиллана гэлээ.
Түүнчлэн Үндсэн хуулийн Гучин есдүгээр зүйлийн 3 дахь хэсэгт заасны дагуу Ерөнхий сайд өнөөдөр Засгийн газрын бүтэц, бүрэлдэхүүний талаарх зөвшилцөх саналаа холбогдох хуулийн төслүүдийн хамт Монгол Улсын Ерөнхийлөгчид ирүүлжээ.
