ЦЕГ-ын Эрүүгийн цагдаагийн албанаас өнөөдөр мэдээлэл хийлээ. Г.Батхүү агсны амь насыг хөнөөсөн хэргийн шалгалтын явцын талаар товч мэдээлэл хийлээ.
Эрүүгийн цагдаагийн албаны хүнд гэмт хэрэг мөрдөн шалгах албаны дарга, Дэд хурандаа П.Эрдэнэбилэг:
УИХ-ын гишүүн асан Г.Батхүү агсны амь нас хохирсон хэргийн талаар тус хэргийн өмгөөлөгч нь мэдээлэл хийсэн. Мэдээлэл хийх үеэрээ “Полиграфын магадлагаа, хуурамч мессеж, ШШҮХ-ийн дүгнэлтийг задруулсан тул тухайн өмгөөлөгчид хэрэг үүсгэн шалгаж байна. Уг хуурамч мессежийг бичсэн Г гэгч нь 15,000,000 төгрөгийг Г.Батхүү агсны ар гэрээс авсан байсан. Г гэгчийг шалгахад бусдаас зургаан удаагийн үйлдлээр 260 гаруй сая төгрөгийг залилан мэхэлсэн болох нь урьдчилсан байдлаар тогтоогдсон. Г.Батхүү агсны амь насыг хөнөөж буйг бичсэн 13 секундийн бичлэг тогтоогдоогүй.
