Коронавирусийн халдвар дэлхий нийтэд тархаж хилийн хориг тавигдсан энэ үед эдийн засгийн талаар авч хэрэгжүүлж буй ажлынхаа талаар Сангийн сайд Ч.Хүрэлбаатар Засгийн газарт танилцуулжээ.
Сангийн сайд Ч.Хүрэлбаатар:
Нэгдүгээрт, Засгийн газарт олгогдсон эрхийн дагуу өргөн хэрэглээний хүнсний бараа болох цагаан будаа, элсэн чихэр, ургамлын тос, улаан буудай зэрэг бараануудын хил дээр төлөгддөг татваруудыг хоёр сараар чөлөөлөх хугацааг сунгах, УИХ-ын чуулган эхлэх үеэр энэ хугацааг зургаадугаар сар хүртэл чөлөөлүүлэх хуулийн санал боловсруулж оруулахаар Засгийн газарт оруулсан.
Хоёрдугаарт нүүрс, газрын тосны экспортыг хийхийн тулд хятадын талтай ярилцах хэрэгтэй. Хорио цээр, ариутгалын асуудлыг хэрхэн хийж, нүүрс, газрын тосны импортыг хийх чиглэлээр яриа хэлэлцээрийг явуулах талаар танилцууллаа.
Түүнчлэн төсвийн тодотгол хийх хэрэгтэй хэмээн ярьж байгаа. Тогтвортой байдлын тухай хууль байдаг энэ хуульд төсөвт тодотгол хийх эсэхийг зааж өгсөн байдаг. Уг нөхцөл байдал бүрдээгүй байгаа тул төсөвт тодотгох шаардлага байхгүй гэж үзэж байгаа.
Сангийн яамны одоогийн мэдээллээр 202,7 тэрбум төгрөгийн орлого өнгөрсөн оны мөн үеийнхээс бага орж ирж байгаа. Нөхцөл байдал энэ хэвээр байвал жилээр яривал нэг орчим их наяд төгрөгийн орлого дутуу орж ирэхээр дүр зураг харагдаж байгаа.
Үүнээс гадна арилжааны банкууд аж ахуйн нэгжүүд, хувь хүнд нэгэнт олгосон зээлийн асуудалд төр оролцох ямар ч боломжгүй гэдгийг хэлье.
наад хэдийн өөрсдийн банк болохоор болохгүй гэж бгаа бхоо шунал нь ихтсэн новшнууд юм даа эд нарын хөрөнгө гэж дааж давшгүй их тэгээд өшөө шуналтаад бх юмаа