Снукер биллиардын 43 дахь удаагийн UK Championship тэмцээний шилдэг 16 тамирчны тоглолт урьд шөнө эхэллээ.
Мэргэжлийн снукер биллиардын топ тамирчид тунан үлдээд буй шөвгийн 16-ийн тоглолт тун сонирхолтой явагдаж байна. Урьд шөнийн гол тоглолт бол яах аргагүй дэлхийн дөрвөн удаагийн аварга Жон Хиггинс болон 2015 оны дэлхийн аварга Стуарт Бингхам нарын дуэль байлаа. Хоёр тамирчны хувьд урьд өмнө нь 23 удаа учраа таарч байсан ба 15 удаад нь Жон Хиггинс аварга хожиж, нэг удаа тэнцэж байлаа. Урьд шөнийн тоглолтод Жон Хиггинс аварга 6:4 харьцаагаар Стуарт Бингхамыг буулган авсан бас энэ жилийн дэлхийн аваргаас хойш дөрөв дараалан хожиж буй нь энэ юм.
