"Тавантолгой-Гашуун сухайт" чиглэлийн замд нүүрс тээвэрлэдэг 31 компанийг багтаасан "Арвин зам холбоо" ТББ болон жолооч нар мэдээлэл хийж, тээврийн салбарын үндэсний компаниуд дампуурч, монгол жолооч нарын амьжиргааны эх үүсвэр алдагдахад хүрээд байгааг хэллээ.
Учир нь Тавантолгой-Гашуун сухайт чиглэлийн нүүрсний замд 13 000 гаруй жолооч тээвэрлэлт хийж байгаа боловч 2600 нь монгол эзэнтэй, монгол жолооч нар байгаа бол үлдсэн 80 хувь нь буюу 11 600 нь хятад эзэнтэй, монгол нэртэй компанийн жолооч нар ажээ.
Үүнээс үүдээд уртын тээвэр буюу Тавантолгой-Цагаанхад хүртэл 227км-т монгол жолооч нар явж нүүрсээ тонн тутамд нь 75 юанаар тооцож хөлсөө авдаг байна. Харин Цагаан хад-Ганц модны боомт хүртэл 50км хятад компани тээвэрлэлтээ хийж тонн тутамд нь 90 юанааар тооцдог байна.
Өөрөөр хэлбэл, харилцан адилгүй зам туулж байгаа ч үнэ хөлс, авч байгаа ашиг нь мөн харилцан адилгүй байна. Мөн Эрдэнэс тавантолгой компаниас нүүрс худалдан авч байгаа үндсэн худалдан авагч нь хятад компани бөгөөд худалдан авагч хятадууд давуу эрхээ эдлэн өөрийн улсын иргэд, аж ахуйн нэгжээр тээвэрлэлт хийлгэж улмаар монгол тээвэр эрхлэгчийг хязгаарлаж байна гэж үзэж байна.
Ингэснээр 3220 жолоочийн орлого тасалдаж, амьжиргаанд нь асуудал үүсээд байгаа гэнэ. Тиймээс жолооч нар Эрдэнэс тавантолгой компани, УУХҮЯ, Өргөдлийн байнгын хороо зэрэг байгууллагуудад дараах гурван шаардлагыг хүргүүлж байгаа ажээ.
1-рт, Үнийн тогтвортой байдлыг хангуулах
2-рт, Монгол компаниудыг тээвэрлэлтэд оролцуулах тоог нэмэх
3-рт, Хилээр нэвтэрч гарсан монгол тээвэрлэгчдийн эрх ашиг зөрчигдөж байгаа байдалд хяналт тавьж ажиллахыг шаардлаа.
13 myangan jolooch geheer ter toonii tom mashinaar mongoliin baylag udur shunugui suuliin heden urssaar baina getel ard tumen yaduursaar oligarhuud bayjsaar...