Японы мэргэжлийн сумо бөхийн хару башё өнөөдөр 15 дахь өдрөө үргэлжлэн явагдаж дуусна. Энэ удаагийн башёд "уламжлал ёсоор" Монгол бөхчүүд тэргүүлж байгаа ба нэг ч унаагүй Их аварга Хакухо М.Даваажаргал түүний ард нэг унаатай явж буй Ичиножо А.Ичинноров нарын хэн нэг нь түрүүлэх юм. Хэрэв Ичиножо А.Ичинноров өнөөдөр маэгаширагийн 2-т эрэмбэлэгдэж буй Дайейшотой (7-7) барилдан давбал их аваргын барилдааныг хүлээх хэрэгтэй болно. Харин их аварга Хакухо М.Даваажаргал аварга Какүрюу Анандыг давбал шууд түрүүлнэ. Хэрэв унавал Ичиножотой түрүү булаалдан барилдах тун сонирхолтой барилдаан болох юм.
-01.jpg)
Ичиножо А.Ичинноровын хувьд Дайейшотой урьд өмнө нь дөрвөн удаа учраа таарахад гурван удаад нь даваад байгаа юм. Харин Монгол аваргуудын хувьд урьд өмнө нь 49 удаа учраа тааран барилдахад их аварга Хакухо М.Даваажаргал 42 удаад нь даваад байгаа юм.
Сумо бөхийн хару башёгийн шийдвэрлэх сүүлийн өдрийн барилдааныг шууд дамжуулан үзүүлж байна.
Жич: Шууд дамжуулалтын бичлэг нь башё дуусахад хадгалагддаггүй тул та маргааш өглөөний тойм бичлэгийг хүлээн авч үзнэ үү.
