Жүдо бөхий өсвөрийн Ази тивийн аварга шалгаруулах тэмцээн өнөөдөр эхэлнэ.
Узбекистан улсын Ташкент хотноо энэ сарын 16-17-ны өдрүүдэд зохион байгуулагдах өсвөрийн жүдо бөхийн Ази тивийн аварга шалгаруулах тэмцээнд 15 орны 181 жүдоч өрсөлдөнө. Монгол улсаа төлөөлөн өрсөлдөх баг, бүрэлдэхүүн болон тэмцээний хуваарийн мэдээллийг ЭНД дарж үзнэ үү.
Тэмцээний эхний өдөр буюу өнөөдөр /11 сарын 16/ охидын -40кг, -44кг, -48кг, -52кг, хөвгүүдийн -50кг, -55кг, -60кг, -66кг жингийн барилдаанууд явагдах ба манай улсаас таван бөх зодоглоно.
Хөвгүүдийн -55кг жинг Ч.Төгөлдөр тэргүүлэн барилдах ба эхний тойрогт гоц мөргөсөн байна.
Хөвгүүдийн -60кг жингийн D хэсгийг тэргүүлж буй С.Хатанбаатар тэргүүлэх тул мөн л эхний тойрогт гоц мөргөсөн байна.
Хөвгүүдийн -66кг жингийн В хэсэгт Н.Тэмүүжин эхний тойрогт Киргизстаны бөхтэй учраа таарсан байна.
Охидын -52кг жинд манай улсаас хоёр бөх барилдах ба А хэсгийг 2022 оны өсвөрийн Ази тивийн аваргын хүрэл медальт, Т.Ариунзаяа тэргүүлэх ба эхний тойрогт гоц мөргөсөн байна. Харин С хэсэгт С.Шүр эхний тойрогт Киргизстаны бөхтэй учраа таарсан байна.
