УИХ дахь Ардчилсан намын бүлэг Засгийн газрыг огцруулах байр суурийг баримталж байгаа билээ. Тус бүлгийн 9 гишүүнээс хоёр гишүүн буюу Л.Болд, Ж.Батзандан нар бүлгийнхээ эсрэг байр суурьтай байгаа төдийгүй Засгийн газрыг дэмжиж байгаа гэж мэдэгдсэн.
Тэгвэл энэ асуудлаар УИХ-ын гишүүн, Ардчилсан намын дарга С.Эрдэнэ: Нам нэгдмэл байр суурьтай. Хэрэв бүлгийнхээ шийдвэрийг дагахгүй бол дүрмийн дагуу тэдгээр хүмүүст хариуцлага тооцно. Санал хураалтын дүнг харж байя. Дараа нь яах эсэхээ шийднэ гэлээ.
