Японы мэргэжлийн сумо бөхийн Нагоя башё өнөөдөр албан ёсоор хөшгөө нээнэ.
Энэ удаагийн башёгийн нэг онцлог бол олон башё дараалан өнжсөн их аварга Хакухо М.Даваажаргал зодоглоно. Нагоя башёгий банцүкед бичигдсэнээр таван зиндаанд 20 монгол сүмоч хүч үзэх юм. Монгол бөхчүүдийн банцүкег ЭНД дарж үзнэ үү.
Өнөөдөр дээд зиндаанд барилдах монгол бөхчүүдийн оноолтыг танилцуулж байна.
- Маэгашира 10 Тамаваши Б.Мөнх-Оргил - Маэгашира 9 Шиманоуми
- Маэгашира 7 Чиёошома Г.Мөнхсайхан - Маэгашира 8 Такарафүжи
- Маэгашира 6 Кирибаяама Б.Лхагвасүрэн - Маэгашира 7 Миёогирюу
- Маэгашира 5 Хошорюү С.Бямбасүрэн - Маэгашира 6 Оношо
- Маэгашира 2 Ичиножо А.Ичинноров - Секиваке Митакеуми
- Озеки Тэрүнофүжи Г.Ган-Эрдэнэ - Маэгашира 1 Эндо
- Ёкозүна Хакухо М.Даваажаргал - Комүсүби Мейсей
Их аварга Хакухо М.Даваажаргал өнөөдөр Комүсүби Мейсейтэй хоёр дахь удаагаа учраа тааран барилдана. Хоёр бөхийн хувьд хоёр жилийн өмнө анх учраа таарахад их аварга давж байлаа. Харин Озеки Тэрүнофүжи Г.Ган-Эрдэнэ өнөөдөр Эндотой 10 дахь удаагаа учраа тааран барилдана. Хоёр бөхийн хувьд хэн хэнийгээ тус бүр дөрвөн удаа даваад байсан ч өнгөрөгч Нацу башёгийн 14 дэх өдөр Эндо манай бөхийг давж байсныг сумо үзэгчид маань сайн санаж байгаа биз ээ.
Энэ башёд монгол бөх түрүүлнэ