Японы мэргэжлийн сумо бөхийн долоодугаар сарын Нагоя башё ирэх сарын 4-ний өдөр эхэлнэ. 

Токио-2020 олимпын наадамтай давхцаж буй тул энэ удаагийн Нагоя башё харьцангуй эрт буюу ирэх сарын 4-ний өдөр эхэлж 18-ны өдөр өндөрлөх хуваарь гарчээ. Энэ удаагийн башёгийн нэг онцлог бол олон башё дараалан өнжсөн их аварга Хакухо М.Даваажаргал ганцаараа ёкозүна цолтойгоор барилдах бол озеки Тэрүнофүжи Г.Ган-Эрдэнэ ёкозүна цолны төлөө барилдах болно. Башёд зодоглох бөхчүүдийг ПСР шинжилгээнд хамруулсан ба бүх хариу сөрөг гарсан байна. Иймээс бөхчүүдийг вакцины эхний тунд хамруулах болжээ. 

Нагоя башёгий банцүкед бичигдсэнээр таван зиндаанд 20 монгол сүмоч хүч үзэх юм. 

Макүүчи зиндаа:

• Ёкозүна Хакүхо М.Даваажаргал /Миягино/
• Озэки Тэрүнофүжи Г.Ган-Эрдэнэ /Исэгэхама/
• МБ-2 Ичиножо А.Ичинноров /Минато/
• МБ-5 Хошорюү С.Бямбасүрэн /Тацүнами/
• МБ-6 Кирибаяма Б.Лхагвасүрэн /Мичинокү/
• МБ-7 Чиёошома Г.Мөнхсайхан /Коконоё/
• МЗ-10 Тамаваши Б.Мөнх-Оргил/Катаонами/

Жүрёо зиндаа:

• Б-6 Миторюү Б.Төрболд /Нишикидо/
• Б-7 Азүмарюү С.Тодбилэг /Таманои/
• Б-10 Кёкүшүхо Т.Эрдэнэбаатар /Томозүна/
• З-12 Дайшохо Ч.Шижирбаяр /Оитэказэ/

Макүшита зиндаа:

• Б-13 Хокүтэнкай Г.Сүхбат /Оное/
• Б-21 Дэванорюү Т.Тэмүүлэн /Дэваноүми/
• Б-23 Тамашохо Э.Энхманлай /Катаонами/
• Б-25 Ёүшояама Б.Анхбаяр /Токицүказэ/
• З-34 Сакигакэ Я.Баттүшиг /Шибатаяма/
• Б-46 Саданохикари Д.Наранцогт /Сакайгава/

Санданмэ зиндаа:

• З-5 Xокүтомарү Н.Чинзориг /Хаккакү/
• Б-57 Араүма Төртогтох /Исэноүми/

Жонокүчи зиндаа:

• З-18 Кагамио Нанжид /Кагамияма/