Эрүүл мэндийн яамны 11 цагийн ээлжит хэвлэлийн бага хурал эхэллээ. Одоогийн байдлаар гаднаас зөөвөрлөгдөн орж ирсэн 293 тохиолдол бүртгэгдэж, 230 иргэн эдгэрээд байна.
ХӨСҮТ-ийн Тандалт, судалгааны албаны дарга А.Амбасэлмаа "Улсын хэмжээнд гурван лабораторид наймдугаар сарын 2-ны өдөр нийт 429 хүний сорьцод шинжилгээ хийхэд бүх сорьц “Сөрөг” гарч коронавирус илрээгүй. Задалж хэлбэл
- Долдугаар сарын 20-нд Сөүл-Улаанбаатарын онгоцоор ирсэн иргэдийн давтан шинжилгээ,
- Афганистанаас ирсэн цэрэг, дайчдын давтан шинжилгээ,
- ХӨСҮТ-д тусгаарлагдсан гурван хүний шинжилгээ,
- Ажиглах байранд тусгаарлагдаж буй найман хүний шинжилгээ,
- Алтанбулагийн боомтоор орж ирсэн ачаа тээврийн 30 жолоочийн шинжилгээнд коронавирус тус тус илрээгүй байна.
Ингээд нийт батлагдсан тохиолдол 293 болсноос 230 нь эдгэрсэн. Эмчилгээнд байгаа 63 хүний биеийн байдлыг үнэлбэл, 60 нь хөнгөн, гурав нь хүндэвтэр байна. Эдгэрээд гарсан 230 хүнээс сувилалд 17, гэрийн ажиглалтад 47, ажиглалтаас гарсан 166 хүн байна.
Их лээд сургуулиуд төлбөрөө аваад л зарантилна шд.Орж яадгийн