Автомашины татвар тав дахин нэмсэн асуулдлыг НИТХ-ын тэргүүлэгчдийн хурлаар хэлэлцлээ. Авто зам ашигласны төлбөрийг тав дахин нэмэхийг эсэргүүцэн иргэд болон жолооч нар жагссан билээ.
Тэгвэл өнөөдөр ээлжит бус НИТХ-ын Тэргүүлэгчдийн хурлаар нийслэлийн төсөвт тусгагдсан байсан авто зам ашигласны төлбөрийг цуцалж, 2013 онд тогтоосон хувь хэмжээг хэвээр хадгалахаар болсон байна.
Хуралдааны эхэнд нийслэлийн 2020 оны төсөв батлах тухай 29/31 дүгээр тогтоолд оруулах өөрчлөлтийг нийслэлийн Засаг дарга бөгөөд Улаанбаатар хотын Захирагч С.Амарсайхан танилцуулав. Тэрбээр “2020 оны нийслэлийн төсөвт нийт 1 их наяд 212.5 тэрбум төгрөгийн орлого төвлөрүүлж, нийт 828.8 тэрбум төгрөгийн зардал санхүүжүүлэн Төсвийн тухай хуулийн дагуу нийслэлийн төсвөөс улсын төсөвт 319.4 тэрбум төгрөгийн орлого төвлөрүүлэхээр батлагдсан.
Нийслэлийн авто зам ашигласан төлбөрийн хувь хэмжээг шинэчлэн баталсан шийдвэрийг Монгол Улсын Ерөнхий сайдын бүрэн эрхийнхээ хүрээнд өгсөн үүрэг чиглэлийн дагуу дахин нягталж, 2013 онд батлагдсан хувь хэмжээг хэвээр дагаж мөрдөхөөр тооцлоо.
Ингэснээр нийслэлийн автозам ашигласны төлбөрөөс төвлөрүүлэх орлогыг 58 тэрбум 864 сая төгрөгөөр бууруулан 14 тэрбум 715.7 сая төгрөг байхаар нийт хөрөнгө оруулалтын зардлыг бууруулж, бусад дутагдаж буй эх үүсвэрийг үл хөдлөх хөрөнгө, нийслэлийн өмч хувьчлалын орлого газрын дуудлага худалдаа, төсөл сонгон шалгаруулалтын орлогыг боломжит хувилбараар нэмэгдүүлэхээр тооцлоо” хэмээлээ.
Нийслэлийн төсөвт хэрхэн өөрчлөлт орохыг ээлжит бус НИТХ-ын хуралдаанаар арванхоёрдугаар сарын 16-ны өдөр хэлэлцэхээр боллоо.
Boljdee muu nertei baij dandaa buruu yum hiij ner nuurgui bolood bh yum yadahdaa ehleed ard tumeneesee asuulga yavuulj baij huuli duremee gargaj baigaach teneguud mini