“Edex school” боловсролын төвөөс долоо дахь жилдээ нийслэлийн ерөнхий боловсролын сургуулийн сурагчдын дунд англи хэлний мэдлэгийг хөгжүүлэх, туслан дэмжих зорилгоор EdEx Scholarship English Olympiad-ийг 9-12 дугаар ангийн сурагчдын дунд зохион байгууллаа. Энэ жилийн олимпиадад улсын болон хувийн 30 гаруй сургуулийн 560 хүүхэд мэдлэгээрээ өрсөлдсөн юм. Ингээд өнөөдөр олимпиадад шалгарсан шилдэг хүүхдүүдэд Гадаад харилцааны сайд Д.Цогтбаатар шагналыг нь гардуулан өглөө.
Энэ удаагийн 9-10, 11-12 дугаар ангийн төрөлд хоёр хүүхэд шалгарч АНУ-д долоо хоног сурч, аялах эрхээр шалгарсан юм. Энэхүү англи хэлний олимпиад нь хамгийн өндөр шагналтай гэдгээрээ бусад төрлийн олимпиадаас онцлогтой. Уг олимпиадын 9-10 дугаар ангийн төрөлд Нэгдүгээр бүрэн дунд сургуулийн сурагч С.Тамираа шалгарсан юм.
Энэхүү олимпиадад шагналт байр эзэлсэн хүүхдүүдэд “Edex school” боловсролын төвд хөнгөлөлттэй үнээр суралцах эрхийн бичгийг гардуулан өглөө. Хүүхдүүдийн хувьд олимпиадад оролцсоноор цаашид их, дээд сургуульд элсэн орох боломжийг нэмэгдүүлдэг хэмээн зохион байгуулагч нар дурдаж байлаа.
