Буянт-Ухаа спорт цогцолборын баруун талд байрлах "Буман залуус" хорооллын гадна оршин суугчид жагслаа. Тус байрны 300 гаруй өрх 2-3 жилийн өмнөөс байрны гэрчилгээ авахаар хүлээж байгаа ч гэрчилгээг нь барилга барьсан компани нь ББСБ, хувь хүмүүст давхар барьцаанд тавьжээ.
Улмаар барьцаанд байгаа, дутуу баригдсан дээрх орон сууцыг Хөгжлийн банк хууль бусаар 15 тэрбумын зээл гаргаснаар энэ зээл нь найдваргүй зээлд оржээ. Мөн тус байр нь ямар ч стандартын шаардлага хангаагүй бөгөөд паар нь дэлбэрч айлууд усанд автах болсон байна. Гэвч чанарын шаардлага хангахгүй тус байрыг Улсын комисс хууль бусаар ажиллан хүлээж авсан бөгөөд энэ нь Захиргааны хэргийн шүүхээр тогтоогдсон байна.
