Олон улсын жүдо бөхийн холбооны (IJF) чансаа өндөртэй Екатеринбургийн их дуулга тэмцээн өнөөдөр албан ёсоор эхэллээ. Уг тэмцээн 47 орны дэлхийн шилдэг 358 жүдоч оролцож байгаа юм. Манай улсаас хашир туршлагатай болон шинэ залуу 20 жүдоч оролцож байгаагаас өнөөдөр тэмцээний эхний өдөр зургаан бөх барилдлаа. Тэмцээний хуваарь болон өнөөдөр барилдсан манай бөхчүүдийн оноолтыг үзэхийг хүсвэл энд дарна уу. 

Өнөөдөр манай бөхчүүдээс эмэгтэйчүүдийн -48кг жинд хүч үзсэн Э.Гэрэлмаа, Г.Наранцэцэг, -52кг жинд барилдсан Л.Сосорбарам, -57кг жинд барилдсан Л.Энхрийлэн, эрэгтэйчүүдийн -66кг жинд барилдсан Б.Эрхэмбаяр нар ялагдан тэмцээнээ дуусгаад байгаа бол эрэгтэйчүүдийн -60кг жинд барилдсан Л.Өнөболд аваргын алтан медалийн төлөө барилдах эрхтэй болоод байгаа юм. Тэрээр өнөөдөр дараах барилдаануудыг хийсэн юм. 

• Эхний тойрогт Мароккогийн Иссам Бассоутай барилдан торгуулиар цэвэр ялсан. Уг барилдааныг үзэхийг хүсвэл энд дарна уу.
• Хоёрдугаар тойрогт Азийн наадмын хүрэл медальт Тайванийн Ян Юүн-Вэй барилдан цэвэр савлаа. Уг барилдааныг үзэхийг хүсвэл энд дарна уу.
• А хэсгийн аваргын төлөө тэмцээнийг зохион байгуулагч эзэн орны бөх өсвөрийн дэлхийн аварга Гадзиев Сахаваттай барилдан ваза-ари үнэлгээгээр яллаа. Уг барилдааныг үзэхийг хүсвэл энд дарна уу. 
• Хагас шигшээ барилдаанд ОХУ-ын Яшуев Ислам дүрмийн бус хориотой үйлдэл гарган хасагдсанаар манай бөх Алтан медалийн төлөө орой барилдах эрхтэй боллоо. Яшуев Исламын хувьд 3108 оноотойгоор жиндээ дэлхийн чансааны 12-т эрэмбэлэгдэж байгаа шилдэг тамирчин юм. Уг барилдааныг үзэхийг хүсвэл энд дарна уу.

Эрэгтэйчүүдийн -60кг жингийн алтан медалийн төлөө Японы Ошима Юуматай барилдана. Ошима Юума нь өнгөрсөн жил бүх Японы аваргад түрүүлсэн шилдэг залуу жүдоч юм. 

Медалийн төлөөх барилдаануудын шууд дамжуулалт:

Жич: Хэрэв та шууд дамжуулалтыг цаг тухайд нь үзэж амжаагүй бол бичлэгийг ухраан нөхөж үзэх боломжтой.