Олон улсын жүдо бөхийн холбооны (IJF) чансаа өндөртэй Екатеринбургийн их дуулга тэмцээн өнөөдөр албан ёсоор эхлэх гэж байна. Уг тэмцээн 47 орны дэлхийн шилдэг 358 жүдоч оролцож байгаа юм. Манай улсаас хашир туршлагатай болон шинэ залуу 20 жүдоч оролцож байгаагаас өнөөдөр тэмцээний эхний өдөр зургаан бөх зодоглоно. Тэмцээний хуваарь болон өнөөдөр барилдах манай бөхчүүдийн оноолтыг үзэхийг хүсвэл энд дарна уу. 

Эрэгтэйчүүдийн -60кг жинд залуучуудын ДАШТ-ий хүрэл медальт, “Женко” клубийн тамирчин ОУХМ Л.Өнөболд хэсгийн аварга боллоо. Тэрээр өнөөдөр дараах барилдаануудыг хийсэн юм. 

• Эхний тойрогт Мароккогийн Иссам Бассоутай барилдан торгуулиар цэвэр ялсан. Уг барилдааныг үзэхийг хүсвэл энд дарна уу.
• Хоёрдугаар тойрогт Азийн наадмын хүрэл медальт Тайваний Ян Юүн-Вэй барилдан цэвэр савлаа. Уг барилдааныг үзэхийг хүсвэл энд дарна уу.
• А хэсгийн аваргын төлөө тэмцээнийг зохион байгуулагч эзэн орны бөх өсвөрийн дэлхийн аварга Гадзиев Сахаваттай барилдан ваза-ари үнэлгээгээр яллаа.

Хагас шигшээд ОХУ-ын Яшуев Исламтай барилдах юм. Яшуев Исламын хувьд 3108 оноотойгоор жиндээ дэлхийн чансааны 12-т эрэмбэлэгдэж буй бөгөөд өнгөрсөн оны Екатеринбургийн их дуулга тэмцээний мөнгөн медальт тамирчин юм. 

Л.Өнөболд эрэгтэйчүүдийн -60кг жингийн А хэсгийн аваргын төлөө ОХУ-ын Гадзиев Сахаваттай барилдсан барилдааны бичлэгийг хүлээн авч үзнэ үү.