Мэргэжлийн снукер биллиардын Шанхай мастерс тэмцээний шөвгийн найман тамирчин тунан үлдлээ. 

Шөвгийн наймд Жадд Трамп, Марк Селби, Кайрен Уилсон, Ронни О Сулливан, Зао Шинтон нарын таван дэлхийн аварга тамирчин тунан үлдээд байна. Мэдээж учраануудыг ажвал үнэхээр үзүүштэй тоглолтууд явагдах нь дамжиггүй. 

Урьд шөнө шөвгийн наймын төлөөх хэд хэдэн сонирхолтой явагдсан ба Шанхайн үзэгчид шинэхэн дэлхийн аваргын тоглолтыг тэсэн ядан хүлээж байсан нь дамжиггүй. 2025 оны дэлхийн аварга БНХАУ-ын Зао Шинтон шөвгийн 16-д Английн Крис Вакелинийг буулган 6:2 харьцаагаар буулган авлаа. Тоглолтын дараа Зао: "Би энэ л тоглолтыг маш ихээр хүсэж байлаа. Би гэртээ байна шүү дээ. Шөвгийн наймд Динг ахтай тоглох болсондоо би маш их баяртай байна. Учир нь багаасаа шүтэж, тоглолт бүрийг алгасалгүй үздэг байсан шүтээнтэйгээ өрсөлдөх гэж байна шүү дээ" хэмээн ярилцлага өглөө. 

Домогт Ронни өнгөрсөн жилийн Их Британийн аварга Барри Хавкинст хожигдсон хариугаа авч шөвгийн наймд шалгарлаа. Тэрээр тоглолтын дараа: "Барры өнөөдөр сайн байсан ч би түүнээс дутахгүй сайн тоглолоо. Магадгүй бид 2022 онд дэлхийн аваргад түрүүлснээсээ хойш ингэж сайн тоглоогүй ч байж мэднэ" хэмээсэн байна.