Жүдо бөхийн Парисын их дуулга тэмцээнийг шууд дамжуулан үзүүлж байна. 

Өнөөдөр тэмцээний эхний өдөр хуваарь ёсоор эмэгтэйчүүдийн -48, -52, -57, -63 кг, эрэгтэйчүүдийн -60, -66, -73 кг жингүүдийн барилдаан явагдаж байна. 

• Эмэгтэйчүүдийн дөрвөн жинд барилдах манай зургаан бөхийн оноолттой танилцахыг хүсвэл ЭНД дарна уу.
• Эрэгтэйчүүдийн оноолттой танилцахыг хүсвэл ЭНД дарна уу.  

Манай бөхчүүдийн явцын мэдээлэл:

• Эмэгтэйчүүдийн -52 кг жингийн В хэсэгт барилдсан Б.Хорлоодой эхний тойрогт харамсалтай ялагдал хүлээн тэмцээнээ дуусгалаа. Тэгвэл тус жингийн D хэсэгт залуучуудын олимпийн мөнгө, дэлхийн аварга Л.Сосорбарам залуучуудын дэлхийн аваргын мөнгөн медальт Гүржийн Ж.Мариамтай барилдан гарт өчих мэхээр ЦЭВЭР ЯЛЛАА. Улмаар хоёрдугаар тойрогт Хайти улсын бөхийг мөн яллаа. Гуравдугаар тойрогт залуучуудын ДАШТ-ний хошой хүрэл медальт Францын Г.Астридтэй барилдан ялагдсанаар тэмцээнээ дуусгалаа. 
• Эмэгтэйчүүдийн -48 кг жинд залуучуудын дэлхийн аваргын хүрэл, мастерсийн мөнгөн медальт Г.Наранцэцэг эхний тойрогт ОХУ-ын К.Алесятай барилдан цэвэр ялагдлаа.
• Олимпийн мөнгө, дэлхийн аварга, хөдөлмөрийн баатар, МУГТ Д.Сумъяа эхний тойрогт Францийн Р.Хелентэй барилдан ЦЭВЭР ЯЛЛАА. Д.Сумъяа аварга Р.Хеленийг найм дахь удаагаа ялж буй нь энэ юм. Улмаар хоёрдугаар тойрогт Доминикан улсын залуу жүдоч Р.Анатай барилдан мөн ЦЭВЭР ЯЛЛАА.
• Эрэгтэйчүүдийн -73 кг жингийн А хэсэгт дэлхийн аваргын хүрэл, Мастерсийн мөнгө, их дуулга тэмцээнүүдийн аварга Г.Одбаяр Узбекистаны Б.Гиёсжонтой барилдан ЦЭВЭР ЯЛЛАА. Харин гуравдугаар тойрогт алдарт Сойчи Хашимото аваргад ялагдснаар тэмцээнээ дуусгалаа. 
• Эрэгтэйчүүдийн -73 кг жингийн С хэсэгт залуучуудын дэлхийн аваргын хошой мөнгөн медальт Ц.Цогтбаатар хоёрдугаар тойргийн барилдаандаа Конго улсын залуу бөхийг ЦЭВЭР САВЛАА. Улмаар дараагийн тойрогт өсвөр үе, залуучуудын ДАШТ-ний хос мөнгөн медальт Бразилын М.Марселиног торгуулиар ЦЭВЭР ЯЛЛАА.
• Эрэгтэйчүүдийн -66 кг жингийн хоёрдугаар тойрогт Ё.Басхүү Энэтхэгийн бөхийг, Г.Хэрлэн Аргентиний бөхийг тус тус яллаа. Улмаар гуравдугаар тойрогт Ё.Басхүү Ирландын бөхийг торгуулиар мөн ЦЭВЭР ЯЛЛАА. Харин Г.Хэрлэн гуравдугаар тойрогт Азербайжаны бөхөд ялагдан тэмцээнээ дуусгалаа. 
• Дэлхийн аваргын иж бүрэн медальт, Visa Team багийн тамирчин МУГТ М.Уранцэцэг хоёрдугаар тойргийн барилдаанаа Австрын залуу бөхтэй хийж ЦЭВЭР САВЛАА. Улмаар гуравдугаар тойрогт түрүү жилийн Парисын их дуулгын хүрэл медальт Францын В.Мелодиг хэдхэн хормын дотор ЦЭВЭР ЯЛЛАА. 
• Эрэгтэйчүүдийн -60 кг жинд барилдаж буй Л.Өнөболд залуучуудын дэлхийн аваргын мөнгөн медальт Азербейжаны А.Юсифовыг ЦЭВЭР ЯЛЛАА.
• Эрэгтэйчүүдийн -60 кг жингийн С хэсэгт Д.Амартүвшин Германы залуу бөхийг ялж дараагийн шатанд барилдахаар боллоо. 
• Эмэгтэйчүүдийн -63 кг жинд Б.Ганхайч Мадагскарын жүдочийг даралтаар ЦЭВЭР ЯЛЛАА. 

Яг одоо дөрөвдүгээр дэвжээнээ Д.Сумъяа аварга Европын аваргын мөнгөн медальт Болгарын И.Илиеватай барилдана. Өмнө хоёр удаа таарч барилдахдаа манай аварга түүнийг ялж байсан түүхтэй.  

НЭГДҮГЭЭР ДЭВЖЭЭГ ШУУД ҮЗЭХ:

ХОЁРДУГААР ДЭВЖЭЭГ ШУУД ҮЗЭХ:

ГУРАВДУГААР ДЭВЖЭЭГ ШУУД ҮЗЭХ:

ДӨРӨВДҮГЭЭР ДЭВЖЭЭГ ШУУД ҮЗЭХ:

ТАВДУГААР ДЭВЖЭЭГ ШУУД ҮЗЭХ:

ЖИЧ: Хэрэв та аливаа барилдааныг цаг тухайд нь үзэж амжаагүй бол шууд дамжуулалтын бичлэгийг ухраан хүссэн барилдаанаа нөхөж үзэх боломжтой.