Жүдо бөхийн Дюселдорфийн их дуулга тэмцээнд медаль хүртсэн тамирчдынхаа бичлэгийг цувралаар толилуулж байна.
- Их дуулга ангиллын 11 дэх медалиа хүртсэн олимпийн мөнгө, дэлхийн аварга, хөдөлмөрийн баатар, МУГТ Д.Сумъяа аваргын бүх барилдаануудын бичлэгийг үзэхийг хүсвэл ЭНД дарна уу.
- 2020 он гарсаар хоёр дахь их дуулга тэмцээнээсээ медаль хүртэж буй Ц.Цогтбаатарын бүх барилдааны бичлэгийг ЭНД дарж үзнэ үү.
- Дюселдорфийн их дуулга тэмцээнээс хошой хүрэл медаль хүртсэн Б.Ганхайчийн бүх барилдааны бичлэгийг ЭНД дарж үзнэ үү.
- Эмэгтэйчүүдийн -52 кг жинд их дуулга ангиллын тэмцээнээс анхны медалиа хүртсэн Б.Хорлоодойн бүх барилдааныг ЭНД дарж үзнэ үү.
Эрэгтэйчүүдийн -81 кг жинд хэдийгээр медаль хүртэж чадаагүй ч тун гайхалтай барилдаануудыг хийж шагналт байранд орсон дэлхийн аварга С.Моллайн бүх барилдааны бичлэгийг толилуулж байна.
Тэрээр Дюселдорфийн их дуулгад эрэгтэйчүүдийн -81 кг жинг тэргүүлэн барилдсан ба эхний тойрогт гоц мөргөж улмаар хоёрдугаар тойрогт АНУ-ын Б.Келлийг хэдхэн хормын дотор цэвэр ялсан юм.
Гуравдугаар тойрогт Аргентиний бөхийг мөн хэдхэн хормын дотор цэвэр ялсан.
Дөрөвдүгээр тойрогт Хорватын бөхийг мөн цэвэр яллаа.
Хэсгийн аваргын төлөө Олимпийн аварга ОХУ-ын Х.Халмурзаевыг цэвэр ялсан ч харамсалтай нь шүүгчийн шийдвэрээр торгуулиар ялагдал хүлээлээ.
Дагах барилдаанд Голландын Де Вит Франктай гал гарсан барилдааны эцэст нэмэлт цагт ялагдлаа. Хоёр бөхийн хувьд нийт зургаа дахь удаагаа учраа тааран барилдаж байгаа ба манай С.Моллай аваргын хувьд өрсөлдөгчөө дөрөв ялаад байгаа юм.
С.Моллай аварга ирэх сарын 13-15-ны өдрүүдэд зохион байгуулагдах Экатеринбургийн их дуулга тэмцээнд оролцох мэдүүлгээ өгөөд байна.
