Дэлхийн таван удаагийн аварга Дагестаны алдарт бөх Али Алиевын нэрэмжит эрэгтэйчүүдийн олон улсын тэмцээн ОХУ-ын Каспийск хотод өнөөдөр албан ёсоор эхэллээ. Тавдугаар сарын 3-ны өдөр хүртэл үргэлжлэх 50 дахь удаагийн уламжлалт тэмцээнд манай улсаас долоон тамирчин оролцож байгаа ба багийн бүрэлдэхүүнд:

• 61кг жинд “Будапешт-2018” ДАШТ-ий хүрэл медальт ОУХМ Т.Түвшинтулга
• 70кг жинд спортын мастер М.Тэмүүжин
• 74кг жинд ОУХМ Б.Бямбадорж
• 92кг жинд спортын мастер Ч.Алтангэрэл
• 97кг жинд ОУХМ Ө.Батзул, ОУХМ Л.Төртогтох,
• 125кг жинд ОУХМ Н.Золбоо нар үндэсний шигшээ баг болон залуучуудын шигшээ багийн дасгалжуулагч ОУХМ Б.Батзоригийн удирдлага дор хүч үзнэ.

Тус тэмцээнийг олон улсын шүүгч Ж.Лхагвасүрэн дэнслэх юм. А.Алиевийн нэрэмжит тэмцээнд хамгийн сүүлд хоёр жилийн өмнө гавьяат тамирчин Г.Мандахнаран хүрэл медаль хүртэж байлаа.

Тэмцээний эхний өдөр 74кг жинд ОУХМ Бат-Эрдэнийн Бямбадорж, 97кг жинд ОУХМ Өлзийсайханы Батзул, ОУХМ Лувсандоржийн Төртогтох нар барилдах юм. Урьдчилсан барилдаан манай цагаар 16:00, хагас шигшээ барилдаан 21:00 цагт болно.

А дэвжээг шууд үзэх:

В дэвжээг шууд үзэх:

Жич: Хэрэв та хүссэн барилдаанаа цаг тухайд нь үзэж амжаагүй бол бичлэгийг ухраан нөхөж үзэх боломжтой.