Энэ өдрүүдэд зохион байгуулагдаж буй бөхийн төрлүүдийн насанд хүрэгчдийн Ази тивийн аварга шалгаруулах тэмцээний эрэгтэй чөлөөт бөхийн төрлөөр үргэлжлэн явагдсаар байна.
Иордан улсын Амман хотноо зохион байгуулагдаж буй бөхийн төрлүүдийн Ази тивийн аварга шалгаруулах тэмцээний хуваарийг ЭНД дарж үзнэ үү.
Өнөөдөр Азийн аваргын сүүлийн өдөр эрэгтэй таван жингийн барилдаанууд явагдана. Эрэгтэйчүүдийн эхний таван жинд манай улсаас нэг мөнгө, хос хүрэл медаль хүртсэн талаар бид өмнө нь мэдээлсэн билээ.
Тэгвэл өнөөдөр /гуравдугаар сарын 30-ны өдөр/ манай дараах бөхчүүд зодоглоно.
-61кг жинд: Дэлхийн аваргын хүрэл болон Ази тивийн аваргын хошой хүрэл медальт Т.Түвшинтулга хүч үзэх ба эхний тойрогт Узбекистаны залуу бөхтэй барилдана.
-74кг жинд: Манай залуу бөх Б.Батбаяр эхний тойрогт БНАСАУ-ын бөхтэй оноолт таарсан байна.
-86кг жинд: Залуучуудын Ази тивийн хошой аварга Н.Батбилгүүн эхний тойрогт Ираны бөхтэй учраа таарсан байна.
-92кг жинд: Залуучуудын дэлхийн аваргын хүрэл, Азийн аваргын мөнгөн медальт Б.Бат-Эрдэнэ эхний тойрогт гоц мөргөсөн ба Япон болон Бахрейны бөхчүүдийн ялсантай барилдах оноолттой байна.
-125кг жинд: МУГТ М.Лхагвагэрэл хүч үзэх ба тэрээр жингээ тэргүүлэн барилдах тул эхний тойрогт гоц мөргөж улмаар хэсгийн аваргын төлөө Узбекистан болон Туркменистан бөхчүүдийн ялсныг хүлээж байна.
