Бөхийн төрлүүдийн 23 хүртэлх насны ДАШТ өнгөрөгч долоо хоногт зохион байгуулагдлаа.
Серби улсын нийслэл Белград хотноо дөрөв дэх удаагийн 23 хүртэлх насны ДАШТ зохион байгуулагдлаа. Энэ удаагийн ДАШТ-д 58 орны 620 тамирчин хурд, хүч, авхаалж, самбаагаа сорин өрсөлдлөө.
Манай улсаас эрэгтэй тав, эмэгтэй хоёр, нийт 7 тамирчин, Дархан-Уул аймаг, “Хасу-Мегастарс” клубийн дасгалжуулагч, спортын мастер Ё.Батдарханы удирдлага дор хүч үзэж дараах тамирчид хүрэл медаль хүртлээ.
- Эмэгтэйчүүдийн -68кг жинд Э.Дэлгэрмаа
- Эрэгтэйчүүдийн -61кг жинд Н.Наранхүү нар медаль хүртлээ.
Ази тивийн АШТ-ий мөнгө, хүрэл, залуучуудын ДАШТ-ий мөнгө, өсвөр үе, залуучууд, 23 хүртэлх насны Азийн АШТ-ий медальт “Хасу-Мегастарс” клубийн тамирчин ОУХМ Э.Дэлгэрмаа хүрэл медаль хүртлээ. Тэрбээр шөвгийн наймд энэ жилийн 23 хүртэлх насны ЕАШТ-ий мөнгөн медальт ОХУ-ын Вусала Парфиановичэд 3:3-аар тун харамсалтай ялагдсан.
Манай бөхийг ялсан ОХУ-ын тамирчин финалд шалгарснаар манай бөхөд дагах барилдаан хийх эрх нээгдсэн байна. Хүрэл медалийн төлөөх барилдаанд Германы Софиа Шифлийг оноогоор цэвэр (13:0) яллаа. Э.Дэлгэрмаа Монголын чөлөөт бөхийн тамирчдаас “U-23” ангиллын ДАШТ-ээс 11 дэх медалийг эх орондоо авчирч буй нь энэ юм.
Монголын бөхчүүд 23 хүртэлх насны ДАШТ-ээс хоёр мөнгө, найман хүрэл, нийт 10 медаль хүртээд байсан юм.
Белградад зодоглох Монголын бөхчүүд:
