Жүдо бөхийн "Мастерс-2021" тэмцээний бүх дэвжээг шууд дамжуулан үзүүлж байна.
Өнөөдөр хуваарийн дагуу хөнгөн таван жингийн барилдаан явагдах ба манай улсаас МУГТ М.Уранцэцэг тэргүүтэй есөн бөх барилдаж байна. Өнөөдөр барилдаж буй манай бөхчүүдийн оноолтын мэдээллийг ЭНД дарж үзнэ үү.
Явцын мэдээлэл:
Өнөөдрийн манайхны салхийг хагалан эмэгтэйчүүдийн -48кг жинд Мастерс 2019 тэмцээний мөнгөн медальт Г.Наранцэцэг Африк тивийн хошой аварга Өмнөд Африкийн Г.Уайтбойг яллаа. Гэвч хоёрдугаар тойрогт Португалийн К.Костад ялагдан тэмцээнээ дуусгалаа.
Эрэгтэйчүүдийн -66кг жинд Мастерсийн хүрэл медальт Ё.Басхүү Африк тивийн 4 удаагийн аварга Египт улсын М.Абделмавгоуг цэвэр яллаа. Мастерсийн алт, мөнгөн медальт Г.Хэрлэн С хэсгийг тэргүүлэн барилдаж Германы бөхийн хоёрдугаар тойрогт цэвэр яллаа.
Эмэгтэйчүүдийн -52кг жинд залуучуудын олимпийн мөнгө, дэлхийн аварга Л.Сосорбарам Лондон 2012 олимпийн наадмын хүрэл медальт Белгийн Ч.Ван Сникт ялагдан тэмцээнээ дуусгасан бол өнгөрсөн оны Дюсселдорфийн Их дуулгын хүрэл медальт Б.Хорлоодой залуучуудын ДАШТ-ий мөнгөн медальт Израилийн Г.Примог нэмэлт цагт буулган авлаа.
Эмэгтэйчүүдийн -57кг жинд олимпийн наадмын мөнгө, дэлхийн аварга, Мастерс тэмцээний дөрвөн удаагийн аварга МУГТ Д.Сумъяа Румын улсын бөхийг цэвэр яллаа.
Эрэгтэйчүүдийн -60кг жинд залуучуудын дэлхийн аваргын хүрэл медальт Л.Өнөболд эхний тойрогт гоц мөргөж улмаар хоёрдугаар тойрогт АНУ-ын А.Диазыг цэвэр яллаа. Харин дэлхийн аваргын мөнгө, мастерсийн гурван удаагийн хүрэл медальт МУГТ Д.Амартүвшин С хэсгийг тэргүүлэн барилдаж буй Испанийн Ф.Гарригост ялагдан тэмцээнээ дуусгалаа.
Эмэгтэйчүүдийн -48кг жинд дэлхийн аваргын иж бүрэн медальт, Мастерс тэмцээний алт, хүрэл медальт МУГТ М.Уранцэцэг эхний тойрогт гоц мөргөж, улмаар хоёрдугаар тойрогт ОХУ-ын И.Долговатай барилдах байсан ч И.Долгова дэвжээнд гарч ирээгүй тул М.Уранцэцэг ялалтыг шууд авлаа.
Яг одо нэгдүгээр дэвжээнээ Мастерсийн дөрвөн удаагийн аварга МУГТ Д.Сумъяа Израилийн Т.Нелсон Левитэй барилдана. Тэд өнгөрсөн оны Дюсселдорфийн их дуулгад анх удаа учраа таарахад МУГТ Д.Сумъяа цэвэр ялж байлаа.
НЭГДҮГЭЭР ДЭВЖЭЭГ ШУУД ҮЗЭХ
ХОЁРДУГААР ДЭВЖЭЭГ ШУУД ҮЗЭХ
ГУРАВДУГААР ДЭВЖЭЭГ ШУУД ҮЗЭХ
