Олимпийн эрхийн оноо олгох жүдо бөхийн Унгарын их дуулга тэмцээний эхний өдрийн барилдааныг шууд дамжуулан үзүүлж байна.
Өнөөдөр хуваарь ёсоор эрэгтэйчүүдийн -60кг, -66кг жин, эмэгтэйчүүдийн -48кг, -52кг, -57кг жингийн барилдаанууд явагдах ба манай есөн бөх татамид зодоглоно. Өнөөдөр зодоглох манай бөхчүүдийн оноолтыг ЭНД дарж үзнэ үү.
Явцын мэдээлэл:
- Манайхны өнөөдрийн салхийг хагалж эмэгтэйчүүдийн -57кг жинд Б.Алтанцэцэг АНУ-ын бөхийг ялсан ч хоёрдугаар тойрогт их дуулгын хошой хүрэл медальт Израилийн Нелсон Леви Тимнад ялагдан тэмцээнээ дуусгалаа.
- Эрэгтэйчүүдийн -66кг жинд Б.Нармандах Албанийн бөхийг ялж хоёрдугаар тойрогт Доминиканы бөхтэй барилдана. Мөн жинд Б.Эрхэмбаяр хоёрдугаар тойрогт Унгарын бөхтэй барилдан ялж гуравдугаар тойрогт С хэсгийг тэргүүлэн барилдаж буй ДАШТ-ий хүрэл медальт Израилийн Фликер Таллтай барилдана.
- Эрэгтэйчүүдийн -60 кг жинд барилдсан Б.Цогтбаяр Унгарын бөхөд ялагдсанаар тэмцээнээ дуусгалаа. Харин тус жинд залуучуудын ДАШТ-ий хүрэл, Екатеринбургийн их дуулгийн алтан медальт Л.Өнөболд Грекийн бөхийг цэвэр яллаа. Тэрээр хоёрдугаар тойрогт Голландын бөхтэй барилдана.
- Эмэгтэйчүүдийн -48 кг жинд А.Нямхишиг Белгийн бөхийг цэвэр ялж хоёрдугаар тойрогт Израилийн бөхтэй барилдана. Мөн жинд Г.Наранцэцэг Чилийн бөхийг цэвэр ялж хоёрдугаар тойрогт С хэсгийг тэргүүлэн барилдаж буй Португалийн Коста Катаринатай барилдана. Г.Наранцэцэгийн хувьд өмнө нь К.Катаринаг 2019 оны Мастерст ялж байлаа.
Эмэгтэйчүүдийн -48 кг жинд барилдаж буй манай бүсгүйчүүд яг одоо нэгдүгээр дэвжээнээ барилдана.
Нэгдүгээр дэвжээг шууд үзэх:
Хоёрдугаар дэвжээг шууд үзэх:
Гуравдугаар дэвжээг шууд үзэх:
