Жүдо бөхийн өсвөр үеийн дэлхийн аварга шалгаруулах тэмцээн хоёр дахь өдрөө үргэлжлэн явагдаж байна.
Өнөөдөр манай улсаас дөрвөн жинд таван бөх барилдаж байгаагаас одоогийн байдлаар дараах үр дүнг үзүүлээд байна.
Охидын -48кг жинд: Энэ оны Ази тив, далайн орнуудын өсвөрийн аварга шалгаруулах тэмцээнд шагналт V байранд орсон Д.Сарантуяа эхний тойрогт Казахстаны бөхтэй барилдан ялагдсанаар тэмцээнээ дуусгалаа.
Охидын -52кг жинд: Ц.Гал-Од эхний тойрогт Испанийн бөхтэй барилдан ялагдаж тэмцээнээ дуусгалаа.
Хөвгүүдийн -66кг жинд: Ази тив, далайн орнуудын өсвөрийн аварга шалгаруулах тэмцээний хүрэл, Азийн цомын мөнгөн медальт Л.Мягмарсүрэн эхний тойрогт мөн тэмцээнийг зохион байгуулагч эзэн орон болох Казахстаны бөхийг нутаг дээр цэвэр ялж хоёрдугаар тойрогт Украйны бөхтэй барилдах юм.
Та шууд дамжуулалтыг энд дарж үзнэ үү.
