Казахстан улсын Алматы хотноо зохион байгуулагдаж буй жүдо бөхийн өсвөр үеийн дэлхийн аварга шалгаруулах тэмцээний хоёр дахь өдрийн барилдааныг шууд дамжуулан үзүүлж байна.

Өнөөдөр хувиар ёсоор охидын -48кг, -52кг, хөвгүүдийн -60кг, -66кг жингийн барилдаанууд явагдах ба манай улсаас дараах таван бөх зодоглоно. 

Охидын -48кг жинд: Энэ оны Ази тив, далайн орнуудын өсвөрийн аварга шалгаруулах тэмцээнд шагналт V байранд орсон Д.Сарантуяа эхний тойрогт Казахстаны бөхтэй барилдана. /хоёрдугаар дэвжээний долоо дахь барилдаан/

Охидын -52кг жинд: Энэ оны Ази тив, далайн орнуудын өсвөрийн аварга шалгаруулах тэмцээний хүрэл медальт О.Сарантуяа D хэсгийн эхний тойрогт Казахстаны бөхтэй /гуравдугаар дэвжээний 14 дэх барилдаан/, С хэсэгт Ц.Гал-Од эхний тойрогт Испанийн бөхтэй тус тус учраа таарсан байна. /хоёрдугаар дэвжээний 11 дэх барилдаан/

Хөвгүүдийн -60кг жинд: Ази тив, далайн орнуудын өсвөрийн аварга шалгаруулах тэмцээний хүрэл медальт Д.Булгантамир эхний тойрогт гоц мөргөж хоёрдугаар тойрогт Азербайжаны бөхтэй барилдана. /хоёрдугаар дэвжээний 20 дахь барилдаан/

Хөвгүүдийн -66кг жинд: Ази тив, далайн орнуудын өсвөрийн аварга шалгаруулах тэмцээний хүрэл, Азийн цомын мөнгөн медальт Л.Мягмарсүрэн эхний тойрогт мөн Казахстаны бөхтэй барилдана. /нэгдүгээр дэвжээний найм дахь барилдаан/

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх: