Жүдо бөх сонирхогчдын хүсэн хүлээсэн Бакугийн их дуулга тэмцээнийг шууд дамжуулан үзүүлж байна. Хэдийнээс нэр хүнд өндөртэй уг тэмцээнд дэлхийн шилдгүүд хуран цуглараад байгаа ба 57 орны 431 жүдоч оролцож байна.

Манай улсаас 14 тамирчин хүч үзэх ба өнөөдөр тэмцээний эхний өдөр Хөдөлмөрийн баатар, МУГТ Д.Сумьяа тэргүүтэй долоон бөх барилдана. Манай бөхчүүдийн оноолттой танилцахыг хүсвэл энд дарна уу. 

Одоогийн байдлаар эмэгтэйчүүдийн -52кг жинд барилдаж буй Л.Сосорбарам Гвиней-Бисау улсын жүдоч Ц.Такианатай тун сайхан барилдан ялалт байгуулж манайхны өнөөдрийн гарааг сайхан эхлүүллээ. Мөн эрэгтэйчүүдийн -66кг жинд Ё.Басхүү Молдавын В.Денисийг цэвэр ялаад байна.

Яг одоо эмэгтэйчүүдийн -52кг жинд Б.Хорлоодой Израйль улсын жүдоч Примо Гефентэй барилдахаар гуравдугаар дэвжээнээ гарч ирлээ. Б.Хорлоодойгийн хувьд 1347 оноотойгоор жиндээ дэлхийн чансааны 30-д эрэмбэлэгдэж байгаа бол түүнтэй барилдах Примо Гефений хувьд 2649 оноотойгоор дэлхийн чансааны 14-т эрэмбэлэгдэж байна. Примо Гефен нь өнгөрсөн онд залуучуудын дэлхийн аваргаас мөнгөн медаль хүртээд байгаа юм.

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

Жич: Хэрэв та шууд дамжуулалтыг цаг тухайд нь үзэж амжаагүй бол та бичлэгийг ухраан хүссэн барилдаанаа нөхөж үзэх боломжтой.