Мэргэжлийн снукер биллиардын Европын мастерс тэмцээн тун сонирхолтой тоглолтуудаар дүүрэн явагдаж өндөрлөлөө.
Шилдэг 64 тамирчин өрсөлдсөн тус тэмцээний явцын мэдээг спорт мэдээ, мэдээллийн livetv.mn/sport суваг шуурхай мэдээлэхийн сацуу онцлох тоглолтуудын тоймыг бичлэгээр хүргэж байсан билээ. Тэгвэл тус тэмцээний шигшээ тоглолтод өдгөө 46 настай дэлхийн зургаа, 2003 оны Европын мастерс тэмцээний аварга домогт Ронни О Сулливан БНХАУ-ын залуу тамирчин (21 настай) Фан Зенгюу нарын хооронд өрнөлөө.
Фан Зенгюугийн хувьд урьд өмнө чансаа олгох тэмцээний шөвгийн наймаас дээш явж үзээгүй байсан ба домогт аваргыг 10:9 харьцаагаар буулган авч карьераанхаа хамгийн том шагналыг хүртлээ. Домогт аваргыг шийдвэрлэх өрөгт буулган авч чансаагаа ахиуллаа.
Тоглолтын дараа Фан: "Финалын шатанд Роннитой тоглоно гэдэг нь миний мөрөөдөл байлаа. Хэсгийн тоглолтод Кайрен Уилсоныг хожсон нь надад илүү их итгэл өгсөн байж магадгүй." Харин Ронни аварга: "Шинэ залуу авьяастантай тоглох нь сайхан байлаа. Залуус бие биенээ хурцалж, шаргуу бэлдэж байгаа нь мэдрэгдэж байна. Хэдэн жилийн дараа снукер нь ширээний теннис шиг болж Хятад тоглогчид давамгайлах магадлалтай боллоо"
