Жудо бөхийн Абу Дабыгийн их дуулга тэмцээний сүүлийн өдөр хүнд жингийн барилдаануудаар үргэлжлэн явагдаж байна.  

Өнөөдөр тэмцээний сүүлийн өдөр эрэгтэйчүүдийн -90, -100, +100, эмэгтэйчүүдийн -78, +78 кг жингүүд манай улсаас О.Цэцэнцэнгэл, С.Бат-Орших, Б.Эрдэнэт-Од, А.Адъяасүрэн нарын дөрвөн бөх барилдаж байна. 

Явцын мэдээлэл: 

Эрэгтэйчүүдийн +100кг жин:

Бакугийн их дуулгын хүрэл медальт О.Цэцэнцэнгэл эхний тойрогт гоц мөргөж, хоёрдугаар тойрогт Узбекистаны бөхийг, хэсгийн аваргын төлөө Финландын бөхийг тус тус цэвэр ялж хагас шигшээд шалгарлаа. Харин D хэсэгт барилдсан С.Бат-Орших энэ оны Парисын их дуулгын хүрэл медальт Францын Т.Жосефт ялагдан тэмцээнээ дуусгалаа. 

Эмэгтэйчүүдийн -78 кг жин:

Эалуу тамирчин Б.Эрдэнэт-Од эхний тойрогт өсвөрийн дэлхийн аваргын мөнгөн медальт Германы Б.Алинад ялагдан тэмцээнээ дуусгалаа. 

Эмэгтэйчүүдийн +78 кг жин:

Бакугийн их дуулга тэмцээний мөнгөн медальт А.Адъяасүрэн хэсгийн аваргын төлөө Ташкентийн гранпри тэмцээний хүрэл медальт ОХУ-ын Г.Анзелаг ялж хагас шигшээд шалгарлаа. Хагас шигшээд залуучуудын дэлхийн аваргын мөнгө, өсвөр, залуучууд, насанд хүрэгчдийн гурван насны дэлхийн аваргын хүрэл медальт Бразилын С.Бийтризтэй барилдана. 

Шууд дамжуулалтыг: Олон улсын жүдо бөхийн холбооны https://live.ijf.org/gs_uae2021/live_video сайтаар шууд хүлээн авч үзэх боломжтой.