Японы мэргэжлийн сумо бөхийн Кюүшү башёгийн сүүлийн 15 дахь өдрийн барилдааныг шууд дамжуулан үзүүлж байна.

Өчигдөр буюу Кюүшү башёгийн 14 дэх өдөр Ёкозүна Тэрүнофүжи Г.Ган-Эрдэнэ аварга Абиг давснаар сүүлийн өдрийн барилдааны үр дүнгээс үл хамааран түрүүлэх болзлоо хангасан билээ. 14 дэх өдрийн барилдааны тоймыг ЭНД дарж үзнэ үү. 

Өнөөдөр дээд зиндаанд барилдах монгол бөхчүүдийн оноолтын мэдээлэл:

Маэгашира 7 Чиёошома Г.Мөнхсайхан (8-6) - Маэгашира 12 Хокутофүжи (10-4)
 Маэгашира 5 Хошорюу С.Бямбасүрэн (6-8) - Маэгашира 4 Такарафүжи (5-9)
Маэгашира 6 Тамаваши Б.Мөнх-Оргил (9-5) - Комүсүби Кирибаяама Б.Лхагвасүрэн (5-9)
Комүсүби Ичиножо А.Ичинноров (5-9) - Секиваке Мэйсэй (6-8)
Ёкозүна Тэрүнофүжи Г.Ган-Эрдэнэ (14-0) - Озеки Такакейшо (12-2)

Өнөөдрийн онцлох оноолт бол түрүүлэх болзлоо хангасан Ёкозүна Тэрүнофүжи Г.Ган-Эрдэнэ болон Озеки Такакейшо нар хоорондоо учраа таарсан байна. Хоёр бөхийн хувьд өмнө нь найман удаа учраа бие, биенээ тус бүр дөрвөн удаа даваад байгаа юм. 

Мөн түүнчлэн Комүсүби Кирибаяама Б.Лхагвасүрэн болон Тамаваши Б.Мөнх-Оргил нар дөрөв удаагаа хоорондоо таарсан байна. Өмнө нь гурван удаа учраа таарахад Комүсүби Кирибаяама Б.Лхагвасүрэн бүгдэд нь даваад байгаа юм.