Японы мэргэжлийн сумо бөхийн Кюүшү башёгийн хоёр дахь өдрийн барилдааныг шууд дамжуулан үзүүлж байна.

Их аварга Хакухо М.Даваажаргал албан ёсоор зодог тайлснаар сумо бөхийн 73 дахь аварга Тэрүнофүжи Г.Ган-Эрдэнээр манлайлуулсан 20 монгол хүчтэн дөрвөн зиндаанд хүч үзэж байна. Кюүшү башёгийн эхний өдрийн барилдааны тойм бичлэг болон монгол бөхчүүдийн даваа, унаа буюу үр дүнгийн мэдээллийг ЭНД дарж үзнэ үү. 

Өнөөдөр дээд зиндаанд барилдах монгол бөхчүүдийн оноолтын мэдээлэл:

Маэгашира 7 Чиёошома Г.Мөнхсайхан (1-0) - Маэгашира 6 Шиманоуми (0-1)
Маэгашира 6 Тамаваши Б.Мөнх-Оргил (0-1) - Маэгашира 5 Хошорюу С.Бямбасүрэн (1-0)
Комүсүби Кирибаяама Б.Лхагвасүрэн (0-1) - Маэгашира 3 Окиноуми (0-1)
Комүсүби Ичиножо А.Ичинноров (1-0) - Озеки Шодай (0-1)
Ёкозүна Тэрүнофүжи Г.Ган-Эрдэнэ (1-0) - Маэгашира Дайеишо (1-0)

Тамаваши Б.Мөнх-Оргил болон Хошорюу С.Бямбасүрэн нарын монгол бөхчүүд өнөөдөр гурав дахь удаагаа хоорондоо учраа тааран барилдана. Хоёр бөхийн хувьд өмнө нь бие, биенээ тус бүр нэг удаа даваад байгаа юм. Ёкозүна Тэрүнофүжи Г.Ган-Эрдэнэ аварга өнөөдөр хүчтэй өрсөлдөгч Дайейшотой учраа таарсан байна. Нийт найман удаа учраа таарахад таван удаад нь Ёкозүна Тэрүнофүжи Г.Ган-Эрдэнэ аварга давсан ч хамгийн сүүлд Аки башёд Дайейшо аваргыг давсан болохыг манай үзэгчид сайн санаж байгаа биз ээ.