Японы мэргэжлийн сумо бөхийн Аки башёгийн 10 дахь өдрийн барилдааныг шууд дамжуулан үзүүлж байна.
Есөн өдрийн дараах байдлаар дээд зиндаанд Тэрүнофүжи Г.Ган-Эрдэнэ аварга ганцаараа найман даваа, нэг унаатайгаар башёг тэргүүлж байгаа бол түүний араас долоон даваа, хоёр унаатайгаар таван бөх нэхэж байна. Аки башёгийн ес дэх өдрийн барилдааны тойм бичлэг болон монгол бөхчүүдийн явцын буюу даваа, унааны мэдээллийг ЭНД дарж үзнэ үү.
Өнөөдөр дээд зиндаанд барилдах монгол бөхчүүдийн оноолтын мэдээлэл:
- Маэгашира 5 Чиёошома Г.Мөнхсайхан (1-8) - Маэгашира 7 Шиманоуми (4-5)
- Маэгашира 2 Кирибаяама Б.Лхагвасүрэн (6-3) - Маэгашира 1 Хошорюү С.Бямбасүрэн (3-4-2)
- Комүсүби Ичиножо А.Ичинноров (3-6) - Маэгашира 4 Тамаваши Б.Мөнх-Оргил (3-6)
- Ёкозүна Тэрүнофүжи Г.Ган-Эрдэнэ (8-1) - Маэгашира 6 Ура (4-5)
Өнөөдөр дээд зиндааны монгол бөхчүүд хоорондоо учраа таарсан ба Кирибаяама Б.Лхагвасүрэн, Хошорюү С.Бямбасүрэн нар дөрөв дэх барилдах ба өмнө нь Хошорюү С.Бямбасүрэн хоёр удаа даваад байна. Мөн түүнчлэн Комүсүби Ичиножо А.Ичинноров, Тамаваши Б.Мөнх-Оргил нар 17 дахь удаагаа учраа тааран барилдана. Хоёр бөхийн хувьд даваа, унааны харьцаа нь найм, найм буюу тэнцүү байгаа юм. Харин Ёкозүна Тэрүнофүжи Г.Ган-Эрдэнэ, Ура нар анх удаа учраа тааран барилдах гэж байна.
