Маргааш /долоодугаар сарын 4-ний өдөр/ Японы мэргэжлийн сумо бөхийн Нагоя башё эхэлнэ.
Энэ башёгийн онцлогоос дурдвал олон башё дараалан өнжсөн их аварга Хакухо М.Даваажаргал барилдахаас гадна озеки Тэрүнофүжи Г.Ган-Эрдэнэ ёкозүна цолны төлөө барилдах болно. Мөн түүнчлэн "Токио-2020" олимпын наадамтай давхцаж буй тул харьцангуй эрт эхэлж эрт дуусах юм. Өөрөөр хэлбэл Нагоя башё долоодугаар сарын 18-нд өндөрлөнө.
Сумо бөх үзэгчдийн хувьд хамгийн их хүсэн хүлээж буй барилдаан бол мэдээж их аварга Хакухо М.Даваажаргал болон озеки Тэрүнофүжи нарын барилдаан байх нь дамжиггүй. Хоёр бөхийн хувьд 13 удаа учраа тааран барилдсан байдаг ба Хакухо аварга есөн удаа, Тэрүнофүжи дөрвөн удаа давж байсан түүхтэй. Тэд хамгийн сүүлд 2017 оны Нацу башёд учраа таарч Хакухо аварга давж байлаа.
oodrog saihan nna