Жүдо бөхийн дэлхийн аварга шалгаруулах тэмцээн өнөөдөр /зургаадугаар сарын 6-ны өдөр/ албан ёсоор эхэлнэ. 

Унгар улсын Будапешт хотноо зохион байгуулагдаж буй энэ удаагийн ДАШТ-д 118 орны 665 тамирчин оролцож байна. Монгол улсаас энэ удаагийн ДАШТ-д оролцох баг, тамирчдын мэдээллийг ЭНД дарж үзнэ үү. Тэмцээний дэлгэрэнгүй хуваарийг ЭНД дарж үзнэ үү. 

Тэмцээний эхний өдөр буюу өнөөдөр эмэгтэйчүүдийн -48кг, эрэгтэйчүүдийн -60кг жингийн барилдаанууд явагдах ба манай улсаас Хайбрид Хаус, Жи Мобайль, Visa Team багийн тамирчин, дэлхийн аваргын иж бүрэн медальт МУГТ М.Уранцэцэг, Г.Наранцэцэг, Л.Өнөболд нар барилдана. 

Эмэгтэйчүүдийн -48кг жин:

Энэ жинд нийт 42 жүдоч зодоглох ба МУГТ М.Уранцэцэг С хэсгийг тэргүүлэн барилдаж буй тул эхний тойрогт гоц мөргөж хоёрдугаар тойрогт БНСУ-ын залуу бөх О Еонжутай барилдах бол В хэсэгт залуучуудын ДАШТ-ий хүрэл, Мастерсийн мөнгөн медальт Г.Наранцэцэг эхний тойрогт Сербийн Н.Миликатай барилдана. 

Эрэгтэйчүүдийн -60кг жин:

Залуучуудын ДАШТ-ий хүрэл медальт Л.Өнөболд эхний тойрогт Украины бөтэй учраа таарчээ.