Японы мэргэжлийн сумо бөхийн зуны нацу башёгийн 10 дахь өдрийн барилдааныг шууд дамжуулан үзүүлж байна.
Есөн өдрийн дараах байдлаар дээд зиндаанд Озеки Тэрүнофүжи Г.Ган-Эрдэнэ ганцаараа нэг ч унаагүйгээр башёг тэргүүлсэн хэвээр байна. Харин түүний араас долоон даваа, хоёр унаатай Озеки Такакейшо, Ичиножо А.Ичинноров нарын таван бөх нэхэж байна. Нацу башёгийн ес дэх өдрийн барилдааны тоймыг ЭНД дарж үзнэ үү.
Өнөөдөр /тавдугаар сарын 18-ны өдөр/ буюу башёгийн 10 дахь өдөр дээд зиндаанд барилдах манай бөхчүүдийн оноолтын мэдээлэл.
- Маэгашира 10 Тамаваши Б.Мөнх-Оргил /5-4/ - Маэгашира 6 Хиденоуми /4-5/
- Маэгашира 11 Чиёошома Г.Мөнхсайхан /5-4/ - Маэгашира 6 Ичиножо А.Ичинноров /7-2/
- Маэгашира 5 Хошорюү С.Бямбасүрэн /4-5/ - Маэгашира 1 Хокутофүжи /3-6/
- Маэгашира 4 Кирибаяама Б.Лхагвасүрэн /2-7/ - Озеки Тэрүнофүжи Г.Ган-Эрдэнэ /9-0/
Озеки Тэрүнофүжи Г.Ган-Эрдэнэ өнөөдөр нутаг нэгт Кирибаяама Б.Лхагвасүрэнтэй гурав дахь удаагаа учраа тааран барилдах ба өмнө нь хоёр удаа Тэрүнофүжи Г.Ган-Эрдэнэ давж байлаа.
Харин Чиёошома Г.Мөнхсайхан болон Ичиножо А.Ичинноров нар өнөөдөр зургаа дахь удаагаа учраа тааран барилдана. Өмнө нь Чиёошома Г.Мөнхсайхан дөрвөн удаа Ичиножо А.Ичинноров давж байсан түүхтэй.
