Сонирхогчдын боксын залуучуудын дэлхийн аварга шалгаруулах тэмцээний хоёр дахь өдөр тулалдсан монгол боксчдынхоо тулааны бичлэгийг толилуулж байна.
Польш улсын Кийлс хотноо зохион байгуулагдаж буй сонирхогчдын боксын залуучуудын ДАШТ-д манай улсаас эрэгтэй дөрөв, эмэгтэй дөрөв буюу нийт найман тамирчин тулалдаж байгаа ба манай баг, бүрэлдэхүүний мэдээллийг ЭНД дарж үзнэ үү.
Тэмцээний эхний өдөр эрэгтэйчүүдийн 56кг жинд Б.Алтантулга манайхны салхийг хагалан, урамтай сайхан тулалдаж ялалт байгуулсан тулааныг бүрэн эхээр нь ЭНД дарж үзнэ үү.
Тэмцээний гурав дахь өдөр манай улсаас гурван ширэн бээлийтэн рингнээ тулалдсан ба эрэгтэйчүүдийн 52кг жинд Э.Сүхбат Германы боксчинтой тулалдаж 5:0 харьцаагаар ялалт байгуулсан тулааны бичлэгийг бүрэн эхээр нь ЭНД дарж үзнэ үү.
Харин урьд шөнө эмэгтэйчүүдийн -60кг жинд Г.Бадмаараг Чехийн боксчинтой эн тэнцүүхэн тулалдсан ч шүүгчдийн 3:2 саналаар ялагдал хүлээлээ.
Мөн түүнчлэн эмэгтэйчүүдийн -57кг жинд Т.Номин-Эрдэнэ Казахстаны тулаанчид ялагдан тэмцээнээ дуусгалаа.
Өнөөдөр /дөрөвдүгээр сарын 15/ хуваарийн дагуу манай улсаас гурван боксчин 20:00 цагаас тулалдах хуваарьтай байна.
Манай сайт сонирхогчдын боксын залуучуудын ДАШТ-ийг дөрөвүгээр сарын 23-ны өдрийг хүртэл 11 хоногийн турш шууд дамжуулан үзүүлэхээс гадна монгол ширэн бээлийтнүүдийхээ тулааны бичлэг болон явцын мэдээллийг тогтмол, шуурхай хүргэж байна.
